athugasemdir forseta við orð þingmanns.

Forseti. Mér ber að koma hérna upp og biðja hæstv. forseta um að útskýra fyrir okkur hvers vegna hann telur ítrekað tilefni til að stoppa þingmenn Pírata þegar þeir koma upp í pontu til þess að tjá sig. Núna stoppaði hann hv. þm. Helga Hrafn Gunnarsson þegar hann var búinn með eina mínútu í tveggja mínútna ræðu. Hvaða forsendur hafði forseti til að ákveða að hv. þingmaður væri ekki á réttri leið með sína óundirbúnu fyrirspurn? Spurningin átti bara eftir að koma fram.

Ég átta mig ekki alveg á þessu. Er svona óþægilegt að við komum upp í pontu að forseti telur ástæðu til þess að stoppa okkur í miðjum ræðum?

Ég væri til í að heyra svar.