ráðherrar til svara í óundirbúnum fyrirspurnum.

Forseti. Ég ætla ekki að vera með mikil leiðindi, ég finn mig bara knúna til að tjá vonbrigði mín yfir því hvað félags- og barnamálaráðherra dettur seint inn á dagskrá fyrir óundirbúinn fyrirspurnatíma. Ég hafði ekki hugmynd um að það væri í boði að eiga samtal við félags- og barnamálaráðherra fyrr en fyrir um 20 mínútum. Ég hefði alveg verið til í að eiga orð við hann en var ekki undirbúin á nokkurn hátt þannig að mig langaði bara til að koma því á framfæri að það væri gott að vita þetta með einhverjum fyrirvara. Á heimasíðu Alþingis var það ekkert komið í ljós og ég vissi ekki af því fyrr en ég fékk tölvupóst fyrir stuttu að það yrði hægt að tala við félags- og barnamálaráðherra. Ég vildi bara koma þessum vonbrigðum á framfæri.