151. löggjafarþing — 42. fundur, 18. des. 2020.
fæðingar- og foreldraorlof.
323. mál
Virðulegi forseti. Þetta er mikið jafnréttis- og framfaramál og minnir okkur á að við erum á leið til aukins jafnréttis. Þetta er mikilsvert réttindamál fyrir feður, fyrir mæður og fyrir börn sem fá með því aukin réttindi til aukinna og betri samvista. Við í Samfylkingunni erum aftur á móti með breytingartillögur við málið sem við leggjum þunga áherslu á og ég tel mjög brýnt að þingheimur íhugi að samþykkja.