155. löggjafarþing — 4. fundur, 13. sept. 2024.
fjárlög 2025.
1. mál
Virðulegi forseti. Ég þakka hæstv. utanríkisráðherra svörin. Ég vil í framhaldinu spyrja hæstv. utanríkisráðherra um það hvernig hún sjái fyrir sér þátttöku Íslands í mannúðaraðstoð á átakasvæðum á næstunni. Á hvaða svæði verður lögð mest áhersla í stuðningi og í máli Íslands á alþjóðavettvangi? Verður brugðist við stöðunni í Súdan og víðar? Getum við hjálpað þjóðinni sem var hrakin með hervaldi frá Nagorno-Karabakh héraði? Og hvert verður framhald stuðnings við palestínsku þjóðina og íbúa á Gaza?
