Ferill 178. máls. Aðrar útgáfur af skjalinu: PDF - Word Perfect.
109. löggjafarþing 1986–87.
Nr. 2/109.
Þskj. 473 — 178. mál.
Þingsályktun
um könnun á tannlæknaþjónustu.
Alþingi ályktar að fela heilbrigðis- og tryggingamálaráðherra að láta kanna notkun tannlæknaþjónustu hér á landi og kostnað neytenda af henni.
Félagsvísindastofnun háskólans verði falið verkefnið en könnunin miðist við að leiða í ljós eftirfarandi atriði, skipt eftir kyni, aldri, búsetu og atvinnustétt:
1. áætluð árleg útgjöld fjölskyldna og einstaklinga vegna tannlækninga;
2. hversu oft einstakir aldurshópar notfæra sér tannlæknaþjónustu.
Kostnaður við könnunina greiðist úr ríkissjóði.
Samþykkt á Alþingi 19. desember 1986.