Jafnlaunavottun

JafnlaunavottunSkrifstofa Alþingis hefur hlotið jafnlaunavottun samkvæmt jafnlaunastaðlinum ÍST 85:2012. Með vottun hefur skrifstofan fengið staðfestingu á því að viðhöfð séu fagleg vinnubrögð við starfsmannastjórnun og sýnt fram á að hún hafi komið á og muni viðhalda launajafnrétti í samræmi við jafnlaunastefnu skrifstofunnar.

Með innleiðingu jafnalaunakerfis samkvæmt jafnlaunastaðli er tryggt að málsmeðferð og ákvarðanir í launamálum séu rekjanlegar, byggi á málefnalegum sjónarmiðum og feli ekki í sér kynbundna mismunun.

Vottunin er í gildi frá 2019 til 2022.

Meginmarkmið jafnlaunavottunar er að vinna gegn kynbundnum launamun og stuðla að jafnrétti kynjanna á vinnumarkaði. Jafnlaunavottun var lögfest í júní 2017 með breytingu á lögum um jafna stöðu og jafnan rétt kvenna og karla nr. 10/2008.

Nánari upplýsingar um jafnlaunavottun.