Friðrik Sophusson:
Virðulegur forseti. Ég skil mætavel að hæstv. forseti hafi leyft hér umræður utan dagskrár um málefni sjávarútvegsins, sem auðvitað er nátengt því máli sem hérna átti að vera fyrst á dagskránni, og tel að það þurfi að sjálfsögðu að ræða það mál eftir það sem síðast hefur gerst í þeim málaflokki, en ég harma það að hæstv. forseti skuli hafa leyft flm. endurfluttrar till. að koma í pontu og flytja ræðu. Þetta mál var ekki brýnt. Þetta mál kom upp í fyrra og það gat vel beðið. Ég ber fulla virðingu fyrir þeim sem standa á þingpöllum, en það er lágmark að aðrir fái að segja sitt álit á þessu máli, ekki síst þeir sem hafa unnið að þessum málum að undanförnu. Og ég harma að það skuli hafa gerst hér í dag að stjórnarþingmanni er hleypt upp í pontu, látinn tala fyrir þessari endurfluttu þáltill., sem er hrein árás á hæstv. sjútvrh., og síðan á að slíta þessa umræðu í sundur. Ég er næstur á mælendaská í þessari umræðu og mér þykir það fjári hart, svo ekki sé nú fastar að orði kveðið, ef það á að gilda hér að aðeins einn maður úr stjórnarliðinu megi fá að tala í þessu máli og síðan eigi að taka málið út af dagskrá vegna annarrar umræðu. Þá hefði verið þrifalegra, hæstv. forseti, að byrja í upphafi á utandagskrárumræðunni. Þá hefði enginn getað kvartað neitt í þessum þingsal.
Virðulegur forseti. Ég skil mætavel að hæstv. forseti hafi leyft hér umræður utan dagskrár um málefni sjávarútvegsins, sem auðvitað er nátengt því máli sem hérna átti að vera fyrst á dagskránni, og tel að það þurfi að sjálfsögðu að ræða það mál eftir það sem síðast hefur gerst í þeim málaflokki, en ég harma það að hæstv. forseti skuli hafa leyft flm. endurfluttrar till. að koma í pontu og flytja ræðu. Þetta mál var ekki brýnt. Þetta mál kom upp í fyrra og það gat vel beðið. Ég ber fulla virðingu fyrir þeim sem standa á þingpöllum, en það er lágmark að aðrir fái að segja sitt álit á þessu máli, ekki síst þeir sem hafa unnið að þessum málum að undanförnu. Og ég harma að það skuli hafa gerst hér í dag að stjórnarþingmanni er hleypt upp í pontu, látinn tala fyrir þessari endurfluttu þáltill., sem er hrein árás á hæstv. sjútvrh., og síðan á að slíta þessa umræðu í sundur. Ég er næstur á mælendaská í þessari umræðu og mér þykir það fjári hart, svo ekki sé nú fastar að orði kveðið, ef það á að gilda hér að aðeins einn maður úr stjórnarliðinu megi fá að tala í þessu máli og síðan eigi að taka málið út af dagskrá vegna annarrar umræðu. Þá hefði verið þrifalegra, hæstv. forseti, að byrja í upphafi á utandagskrárumræðunni. Þá hefði enginn getað kvartað neitt í þessum þingsal.