Páll Pétursson:
Frú forseti. Örstutt athugasemd að gefnu tilefni.
Ég held að það sé í ýmsum tilfellum hægt að gagnrýna lánveitingar Norræna fjárfestingarbankans, þ.e. það er nokkuð til í þeirri gagnrýni sem kom fram hjá Gunnlaugi Sigmundssyni. Málið er að í mörgum tilfellum borga íslenskir lántakendur hærri vexti en aðilar á hinum Norðurlöndunum þurfa að gera og á ég þá ekki við Færeyinga sem eru meðhöndlaðir af enn meiri hörku en við. Hér gengur það hins vegar þannig fyrir sig að bankarnir taka lán og aukakostnaður hleðst á sumt af þeim lánum sem kemur til Íslands.
Varðandi Færeyinga hefur það a.m.k. verið til skamms tíma þannig að fyrirtæki í ríkiseigu, svo sem eins og rafveiturnar í Færeyjum sem eru eingöngu í eigu ríkisins, hafa orðið að skila ríkisábyrgð fyrir sínum lánum á meðan fyrirtæki eins og t.d. Kongsberg-vopnaverksmiðjurnar í Noregi, sem voru 100% í eigu norska ríkisins, þ.e. hlutafélagið var 100% í eigu norska ríkisins, þurfti ekki ríkisábyrgð fyrir stóru láni. Það fyrirtæki fór á hausinn og Norræni fjárfestingarbankinn tapaði þar stórfé. Það tel ég vera gagnrýni vert og eðlilegt að samræmi sé í þessu.
Ég er hins vegar ekki með þessu að segja að við höfum ekki haft stórmikið gagn af Norræna fjárfestingarbankanum. Þrátt fyrir að við höfum þarna í sumum tilfellum að mínu mati þurft að taka lán með hærri vöxtum eða meiri kostnaði en hinar þjóðirnar höfum við tvímælalaust haft stórmikið gagn af starfsemi þessa banka.
Frú forseti. Örstutt athugasemd að gefnu tilefni.
Ég held að það sé í ýmsum tilfellum hægt að gagnrýna lánveitingar Norræna fjárfestingarbankans, þ.e. það er nokkuð til í þeirri gagnrýni sem kom fram hjá Gunnlaugi Sigmundssyni. Málið er að í mörgum tilfellum borga íslenskir lántakendur hærri vexti en aðilar á hinum Norðurlöndunum þurfa að gera og á ég þá ekki við Færeyinga sem eru meðhöndlaðir af enn meiri hörku en við. Hér gengur það hins vegar þannig fyrir sig að bankarnir taka lán og aukakostnaður hleðst á sumt af þeim lánum sem kemur til Íslands.
Varðandi Færeyinga hefur það a.m.k. verið til skamms tíma þannig að fyrirtæki í ríkiseigu, svo sem eins og rafveiturnar í Færeyjum sem eru eingöngu í eigu ríkisins, hafa orðið að skila ríkisábyrgð fyrir sínum lánum á meðan fyrirtæki eins og t.d. Kongsberg-vopnaverksmiðjurnar í Noregi, sem voru 100% í eigu norska ríkisins, þ.e. hlutafélagið var 100% í eigu norska ríkisins, þurfti ekki ríkisábyrgð fyrir stóru láni. Það fyrirtæki fór á hausinn og Norræni fjárfestingarbankinn tapaði þar stórfé. Það tel ég vera gagnrýni vert og eðlilegt að samræmi sé í þessu.
Ég er hins vegar ekki með þessu að segja að við höfum ekki haft stórmikið gagn af Norræna fjárfestingarbankanum. Þrátt fyrir að við höfum þarna í sumum tilfellum að mínu mati þurft að taka lán með hærri vöxtum eða meiri kostnaði en hinar þjóðirnar höfum við tvímælalaust haft stórmikið gagn af starfsemi þessa banka.