Viðskiptaráðherra (Jón Sigurðsson):
Virðulegi forseti. Hv. fyrirspyrjandi, 2. þm. Norðurl. e., taldi að það væri ekki mikil reisn yfir því að vísa til breskra ráðgjafarfyrirtækja um vanda íslenska skipasmíðaiðnaðarins. Má ég í fullri vinsemd minna þennan hv. þm. á að þetta ágæta fyrirtæki var til þessa verks fengið í góðu samráði við samtök iðnaðarins af fyrrv. iðnrh., hv. 1. þm. Reykv. Friðriki Sophussyni, í góðu samkomulagi við aðra sem stóðu að þeirri ríkisstjórn. Ég tel það eiginlega forkastanlegt að geisa hér á þann hátt sem hv. 2. þm. Norðurl. e. gerði út af þessu máli. Um þetta mál er gott samkomulag og menn eru þarna að leita leiða til þess að leysa þennan torleysta vanda og ég vona að hv. 2. þm. Norðurl. e. fylgi eftir þeirri ríku tilfinningu sem hann hefur fyrir velgengni þessarar greinar með því að taka dyggan þátt í því starfi fremur en að geisa svona á móti því.
Í öðru lagi minntist hv. 2. þm. Norðurl. e. á verkefni sem Slippstöðin á Akureyri fékk á sínum tíma fyrir kanadísk útgerðarfyrirtæki, að breyta togskipum vegna þess að verið var að taka upp kassa í skipunum. Það er vissulega lofsvert framtak og tókst vel og var til mikillar fyrirmyndar og þeim mönnum til hróss sem að því stóðu, forráðamönnum fyrirtækisins. Ég held hins vegar að í því hafi legið nokkur vísbending um það hvað ytri skilyrði geta breytt rekstrarskilyrðunum í innlendri starfsemi án þess að Íslendingar fái þar nokkru um ráðið, því fall dollarans gerir slík verkefni núna miklu síður arðvænleg. Það er ekki mál sem ræðst af gengi íslensku krónunnar, þar ræður gengi bandaríkjadollars og kanadadollars, sem fljóta saman gagnvart öðrum myntum, mestu um. En auðvitað er þetta ekki eitt kjarni þess máls sem við ræðum hér. Það er auðvitað rétt að almenn rekstrarskilyrði í landinu, gengi krónunnar þar á meðal, eru mikilvæg fyrir afkomu þessarar greinar.
Ég vil svo að lokum víkja nokkrum orðum að því sem hv. fyrirspyrjandi, 2. þm. Norðurl. e., sagði um fyrirkomulag lánveitinga vegna innlendra skipasmíðaverkefna. Það er mál sem ég er að athuga í góðu samráði við samtökin í greininni. Þar er alls ekki búið að taka ákvörðun um það hvort fyrirkomulaginu verður breytt eða hvort það helst óbreytt. Það fer eftir niðurstöðum þessarar athugunar. Ég vil tengja það mál eins og málið sem hv. 5. þm. Reykv. tók hér upp áðan, um fyrirkomulag á tilboðum og hvernig þeim sé tekið, við þá almennu athugun sem ríkisstjórnin vinnur nú að í samstarfi við fyrirtækin í greininni og aðra sem þar starfa.
Virðulegi forseti. Hv. fyrirspyrjandi, 2. þm. Norðurl. e., taldi að það væri ekki mikil reisn yfir því að vísa til breskra ráðgjafarfyrirtækja um vanda íslenska skipasmíðaiðnaðarins. Má ég í fullri vinsemd minna þennan hv. þm. á að þetta ágæta fyrirtæki var til þessa verks fengið í góðu samráði við samtök iðnaðarins af fyrrv. iðnrh., hv. 1. þm. Reykv. Friðriki Sophussyni, í góðu samkomulagi við aðra sem stóðu að þeirri ríkisstjórn. Ég tel það eiginlega forkastanlegt að geisa hér á þann hátt sem hv. 2. þm. Norðurl. e. gerði út af þessu máli. Um þetta mál er gott samkomulag og menn eru þarna að leita leiða til þess að leysa þennan torleysta vanda og ég vona að hv. 2. þm. Norðurl. e. fylgi eftir þeirri ríku tilfinningu sem hann hefur fyrir velgengni þessarar greinar með því að taka dyggan þátt í því starfi fremur en að geisa svona á móti því.
Í öðru lagi minntist hv. 2. þm. Norðurl. e. á verkefni sem Slippstöðin á Akureyri fékk á sínum tíma fyrir kanadísk útgerðarfyrirtæki, að breyta togskipum vegna þess að verið var að taka upp kassa í skipunum. Það er vissulega lofsvert framtak og tókst vel og var til mikillar fyrirmyndar og þeim mönnum til hróss sem að því stóðu, forráðamönnum fyrirtækisins. Ég held hins vegar að í því hafi legið nokkur vísbending um það hvað ytri skilyrði geta breytt rekstrarskilyrðunum í innlendri starfsemi án þess að Íslendingar fái þar nokkru um ráðið, því fall dollarans gerir slík verkefni núna miklu síður arðvænleg. Það er ekki mál sem ræðst af gengi íslensku krónunnar, þar ræður gengi bandaríkjadollars og kanadadollars, sem fljóta saman gagnvart öðrum myntum, mestu um. En auðvitað er þetta ekki eitt kjarni þess máls sem við ræðum hér. Það er auðvitað rétt að almenn rekstrarskilyrði í landinu, gengi krónunnar þar á meðal, eru mikilvæg fyrir afkomu þessarar greinar.
Ég vil svo að lokum víkja nokkrum orðum að því sem hv. fyrirspyrjandi, 2. þm. Norðurl. e., sagði um fyrirkomulag lánveitinga vegna innlendra skipasmíðaverkefna. Það er mál sem ég er að athuga í góðu samráði við samtökin í greininni. Þar er alls ekki búið að taka ákvörðun um það hvort fyrirkomulaginu verður breytt eða hvort það helst óbreytt. Það fer eftir niðurstöðum þessarar athugunar. Ég vil tengja það mál eins og málið sem hv. 5. þm. Reykv. tók hér upp áðan, um fyrirkomulag á tilboðum og hvernig þeim sé tekið, við þá almennu athugun sem ríkisstjórnin vinnur nú að í samstarfi við fyrirtækin í greininni og aðra sem þar starfa.