Friðrik Sophusson:
Virðulegur forseti. Það voru athyglisverðar upplýsingar sem komu fram hjá hæstv. utanrrh., sem sagði að samkvæmt þeirri könnun sem farið hefði fram í utanrrn. væri heimilt að ákveða með þeim hætti, sem hæstv. ríkisstjórn og stjórnarmeirihlutinn á þingi hefðu samþykkt, þennan þátt vörugjaldsins. Hæstv. ráðherra bætti því við að það væri vegna sanngirnissjónarmiða. Nú spyr ég: Af hverju eiga sanngirnissjónarmiðin ekki við um aðra vöruflokka þar sem um er að ræða innlenda framleiðslu? Ég tel eðlilegt fyrst þetta er rökstuðningur í málinu að annaðhvort hæstv. fjmrh., sem ekki fæst til þess að standa á fætur í þessari umræðu, eða hæstv. utanrrh. svari þeirri spurningu því að sá fjöldi fólks sem vinnur við slíka framleiðslu hér á landi hlýtur að eiga kröfu á því að vita hvers vegna sanngirnissjónarmið eiga ekki við þegar talað er um vinnu alls fólks. Óska ég eftir, virðulegur forseti, að því sé svarað.
Virðulegur forseti. Það voru athyglisverðar upplýsingar sem komu fram hjá hæstv. utanrrh., sem sagði að samkvæmt þeirri könnun sem farið hefði fram í utanrrn. væri heimilt að ákveða með þeim hætti, sem hæstv. ríkisstjórn og stjórnarmeirihlutinn á þingi hefðu samþykkt, þennan þátt vörugjaldsins. Hæstv. ráðherra bætti því við að það væri vegna sanngirnissjónarmiða. Nú spyr ég: Af hverju eiga sanngirnissjónarmiðin ekki við um aðra vöruflokka þar sem um er að ræða innlenda framleiðslu? Ég tel eðlilegt fyrst þetta er rökstuðningur í málinu að annaðhvort hæstv. fjmrh., sem ekki fæst til þess að standa á fætur í þessari umræðu, eða hæstv. utanrrh. svari þeirri spurningu því að sá fjöldi fólks sem vinnur við slíka framleiðslu hér á landi hlýtur að eiga kröfu á því að vita hvers vegna sanngirnissjónarmið eiga ekki við þegar talað er um vinnu alls fólks. Óska ég eftir, virðulegur forseti, að því sé svarað.