Viðskiptaráðherra (Jón Sigurðsson):
Hæstv. forseti. Eins og kom fram hjá hv. fyrirspyrjanda, 1. þm. Reykv., skilaði nefnd sú sem fjallaði um samkeppnisstöðu innlendrar kökugerðar upphaflega áliti í september, en það kom í ljós að á því áliti voru nokkrir tæknilegir annmarkar sem eftir viðræður við mig voru leiðréttir og hún skilaði síðan endanlegu áliti sínu í nóvember sl.
Ég hef lagt þetta mál fyrir ríkisstjórnina og hún hefur samþykkt að fara að tillögum nefndarinnar í meginatriðum efnislega þannig að lagt verði sérstakt jöfnunargjald á innfluttar kökur og majónessósu í samræmi við álit nefndarinnar í megindráttum. Tilgangurinn er að sjálfsögðu sá að jafna aðstöðu innlendra framleiðenda og erlendra sem verða aðnjótandi niðurgreiðslu á landbúnaðarvörum í Vestur-Evrópuríkjum.
Framkvæmd málsins hefur hins vegar tafist nokkuð sökum anna í tekjudeild fjmrn. að undanförnu, en eins og þingmenn hafa e.t.v. orðið varir við hefur þar eitt og annað verið að fljóta yfir borðin og reyndar yfir okkar borð í hv. Alþingi. Þar hefur verið til sérstakrar athugunar hvort rétt sé að hafa gjaldið í formi tímabundins jöfnunargjalds sem leggja má á samkvæmt tollskrárlögum og heimildir eru til samkvæmt okkar fríverslunarsamningum eða í formi sérstakra heimildarlaga sem flytja þyrfti um sérstakt lagafrumvarp og leita samþykkis Alþingis.
Ég á von á því að niðurstaða tekjudeildar fjmrn. og hinna lögfróðu manna í málinu liggi fyrir á næstunni og ég mun beita mér fyrir því að þetta gjald komi til framkvæmda á næstu vikum eftir því sem frekast verða tök á.
Hæstv. forseti. Eins og kom fram hjá hv. fyrirspyrjanda, 1. þm. Reykv., skilaði nefnd sú sem fjallaði um samkeppnisstöðu innlendrar kökugerðar upphaflega áliti í september, en það kom í ljós að á því áliti voru nokkrir tæknilegir annmarkar sem eftir viðræður við mig voru leiðréttir og hún skilaði síðan endanlegu áliti sínu í nóvember sl.
Ég hef lagt þetta mál fyrir ríkisstjórnina og hún hefur samþykkt að fara að tillögum nefndarinnar í meginatriðum efnislega þannig að lagt verði sérstakt jöfnunargjald á innfluttar kökur og majónessósu í samræmi við álit nefndarinnar í megindráttum. Tilgangurinn er að sjálfsögðu sá að jafna aðstöðu innlendra framleiðenda og erlendra sem verða aðnjótandi niðurgreiðslu á landbúnaðarvörum í Vestur-Evrópuríkjum.
Framkvæmd málsins hefur hins vegar tafist nokkuð sökum anna í tekjudeild fjmrn. að undanförnu, en eins og þingmenn hafa e.t.v. orðið varir við hefur þar eitt og annað verið að fljóta yfir borðin og reyndar yfir okkar borð í hv. Alþingi. Þar hefur verið til sérstakrar athugunar hvort rétt sé að hafa gjaldið í formi tímabundins jöfnunargjalds sem leggja má á samkvæmt tollskrárlögum og heimildir eru til samkvæmt okkar fríverslunarsamningum eða í formi sérstakra heimildarlaga sem flytja þyrfti um sérstakt lagafrumvarp og leita samþykkis Alþingis.
Ég á von á því að niðurstaða tekjudeildar fjmrn. og hinna lögfróðu manna í málinu liggi fyrir á næstunni og ég mun beita mér fyrir því að þetta gjald komi til framkvæmda á næstu vikum eftir því sem frekast verða tök á.