Friðjón Þórðarson:
Virðulegi forseti. Það er ekkert óeðlilegt að þessi mál beri á góma, enda ekki á hverjum degi sem slíkur veðrahamur gengur yfir landið. Mér finnst það hafa verið fullkomlega eðlilegt hjá hv. 4. þm. Vesturl. að vekja máls á þessu mikla öryggismáli undir þessum kringumstæðum og það hafa líka komið fram fróðlegar upplýsingar frá hæstv. ráðherrum.
En ég bendi á að það eru ýmsir staðir á landinu sem lenda í vandræðum þó að slík veður gangi ekki yfir eins og það sem nú hefur geisað. Vil ég í því sambandi leyfa mér að nefna Neshrepp utan Ennis, einmitt heimkynni hv. 4. þm. Vesturl. Það er mjög títt í vestanveðrum að þá kemur selta á línuna sem liggur frá Ólafsvík út á Hellissand og gerir það að verkum að íbúar Hellissands verða fyrir mjög miklum óþægindum oft og tíðum. Þeir voru rafmagnslausir klukkustundum saman á laugardaginn og allan daginn í gær frá morgni til kvölds. Það er þessi lína frá Bakka í Ólafsvík út í frystihúsin í Rifi, 6 km löng, sem veldur ófriði og öryggisleysi allt of oft. Ég sé í raun og veru ekki annað ráð en að koma þessari línu í jörð til þess að þarna skapist fullnægjandi öryggi. En þessar umræður, hvort sem þær eru almennar eða um sérstaka þætti þessa máls, eru af hinu góða og harla nauðsynlegar.
Virðulegi forseti. Það er ekkert óeðlilegt að þessi mál beri á góma, enda ekki á hverjum degi sem slíkur veðrahamur gengur yfir landið. Mér finnst það hafa verið fullkomlega eðlilegt hjá hv. 4. þm. Vesturl. að vekja máls á þessu mikla öryggismáli undir þessum kringumstæðum og það hafa líka komið fram fróðlegar upplýsingar frá hæstv. ráðherrum.
En ég bendi á að það eru ýmsir staðir á landinu sem lenda í vandræðum þó að slík veður gangi ekki yfir eins og það sem nú hefur geisað. Vil ég í því sambandi leyfa mér að nefna Neshrepp utan Ennis, einmitt heimkynni hv. 4. þm. Vesturl. Það er mjög títt í vestanveðrum að þá kemur selta á línuna sem liggur frá Ólafsvík út á Hellissand og gerir það að verkum að íbúar Hellissands verða fyrir mjög miklum óþægindum oft og tíðum. Þeir voru rafmagnslausir klukkustundum saman á laugardaginn og allan daginn í gær frá morgni til kvölds. Það er þessi lína frá Bakka í Ólafsvík út í frystihúsin í Rifi, 6 km löng, sem veldur ófriði og öryggisleysi allt of oft. Ég sé í raun og veru ekki annað ráð en að koma þessari línu í jörð til þess að þarna skapist fullnægjandi öryggi. En þessar umræður, hvort sem þær eru almennar eða um sérstaka þætti þessa máls, eru af hinu góða og harla nauðsynlegar.