Forseti (Guðrún Helgadóttir):
Borist hefur svohljóðandi bréf:
,,Ólafur G. Einarsson, formaður þingflokks Sjálfstfl., hefur ritað mér á þessa leið:
,,Þar sem Ragnhildur Helgadóttir, 3. þm. Reykv., er erlendis og getur því ekki sótt þingfundi á næstunni leyfi ég mér að hennar beiðni með vísan í 130. gr. laga um kosningar til Alþingis að óska þess að 1. varamaður Sjálfstfl. í Reykjavík, Sólveig Pétursdóttir lögfræðingur, taki sæti á Alþingi í fjarveru hennar.``
Þetta er yður hér með tilkynnt, hæstv. forseti.
Sólveig Pétursdóttir hefur áður tekið sæti á Alþingi á þessu kjörtímabili og er hún boðin velkomin til starfa.
Þá hefur einnig borist eftirfarandi bréf:
,,Margrét Frímannsdóttir, 4. þm. Suðurl., hefur ritað mér á þessa leið:
,,Þar sem ég vegna veikinda get ekki sótt þingfundi á næstunni leyfi ég mér með skírskotun til 130. gr. laga um kosningar til Alþingis að óska þess að 1. varamaður Alþb. í Suðurlandskjördæmi, Ragnar Óskarsson kennari, taki sæti á Alþingi í forföllum mínum.``
Þetta er yður hér með tilkynnt, hæstv. forseti.
Ragnar Óskarsson hefur áður tekið sæti á Alþingi á þessu kjörtímabili og er hann boðinn velkominn til starfa.
