Kristín Einarsdóttir:
Virðulegur forseti. Ég vildi aðeins segja nokkur orð um þetta mál. Ég ætla ekki að draga úr því að það er gott sem gert er af Íslands hálfu á alþjóðavettvangi, en ég tel það ekki vera nóg. Alla vega er það staðreynd að samhliða því að eitthvað hefur verið fækkað vopnum á landi hefur vopnabúnaðurinn í hafinu aukist gífurlega undanfarin ár.
Það er alveg rétt að auðvitað þarf að verða afvopnun, kjarnorkuafvopnun og allsherjarafvopnun á heimsgrundvelli eins og hæstv. ráðherra orðaði það, en það þarf ekki nema smáslys í einum kjarnorkukafbát til þess að það þýði stórslys fyrir okkur Íslendinga þannig að við þurfum að vera mjög á verði og þurfum að eiga veglegt frumkvæði í því að fjalla um afvopnun. Ég tel að vel geti komið til greina að boðað verði til alþjóðlegrar ráðstefnu hér á landi eins of till. gerir ráð fyrir. Ég tel það einnig skref í áttina að því verði lýst yfir að Ísland sé kjarnorkuvopnalaust og hafið umhverfis. Með því gætum við sýnt að við meintum í raun og veru eitthvað með því að vilja afvopnun í höfum kringum landið.
Virðulegur forseti. Ég vildi aðeins segja nokkur orð um þetta mál. Ég ætla ekki að draga úr því að það er gott sem gert er af Íslands hálfu á alþjóðavettvangi, en ég tel það ekki vera nóg. Alla vega er það staðreynd að samhliða því að eitthvað hefur verið fækkað vopnum á landi hefur vopnabúnaðurinn í hafinu aukist gífurlega undanfarin ár.
Það er alveg rétt að auðvitað þarf að verða afvopnun, kjarnorkuafvopnun og allsherjarafvopnun á heimsgrundvelli eins og hæstv. ráðherra orðaði það, en það þarf ekki nema smáslys í einum kjarnorkukafbát til þess að það þýði stórslys fyrir okkur Íslendinga þannig að við þurfum að vera mjög á verði og þurfum að eiga veglegt frumkvæði í því að fjalla um afvopnun. Ég tel að vel geti komið til greina að boðað verði til alþjóðlegrar ráðstefnu hér á landi eins of till. gerir ráð fyrir. Ég tel það einnig skref í áttina að því verði lýst yfir að Ísland sé kjarnorkuvopnalaust og hafið umhverfis. Með því gætum við sýnt að við meintum í raun og veru eitthvað með því að vilja afvopnun í höfum kringum landið.