Menntamálaráðherra (Svavar Gestsson):
Herra forseti. Samkvæmt lögum sem sett voru í fyrra að undirlagi þáv. ríkisstjórnar með stuðningi stjórnar og stjórnarandstöðu var ákveðið að allir sem verið hefðu níu ár í grunnskóla gætu átt rétt til inngöngu í framhaldsskóla. Þetta stendur í lögunum þannig að þessi ákvörðun hefur verið tekin. En því miður er það alveg rétt hjá hv. 2. þm. Norðurl. e. að undirbúningur í þessum efnum hefur ekki verið nægilega góður og hann tekur mörg ár og langan tíma.
Meiningin er sú að í stað þess að ákveða mörkin með reglustikuaðferð eins og gert hefur verið fyrir hópa nemenda, þá verði reynt að ákveða mörkin með námsráðgjöf og leiðbeina hverjum og einum nemanda inn í framhaldsskólann og á þær brautir sem best henta viðkomandi nemanda. Þess vegna hefur verið ákveðið að í vor verði í Reykjavík og víðar ráðnir námsráðgjafar til að starfa við innritunina í framhaldsskólana á Reykjavíkursvæðinu í vor.
Vegna spurningar hv. 2. þm. Norðurl. e. um Menntaskólann í Reykjavík og takmarkanir á aðgöngu í hann, þá er því til að svara að allir framhaldsskólarnir á höfuðborgarsvæðinu, Menntaskólinn í Reykjavík jafnt sem Fjölbrautaskólinn í Breiðholti, Flensborgarskólinn, Menntaskólinn í Kópavogi og aðrir slíkir framhaldsskólar hafa ákveðið að sameinast um innritun í framhaldsskólana á þessu vori. Það þýðir að það pláss sem er til í framhaldsskólum mun nýtast betur næsta vetur en verið hefur. Það hefur verið mjög góð samvinna um þetta efni hjá skólameisturum framhaldsskólanna á höfuðborgarsvæðinu og sömuleiðis hjá skólameisturum framhaldsskólanna á Norðurl. e. þar sem er um að ræða fleiri en einn framhaldsskóla.
Ég vænti þess, virðulegi forseti, að þessi svör svari spurningum hv. 2. þm. Norðurl. e.
Herra forseti. Samkvæmt lögum sem sett voru í fyrra að undirlagi þáv. ríkisstjórnar með stuðningi stjórnar og stjórnarandstöðu var ákveðið að allir sem verið hefðu níu ár í grunnskóla gætu átt rétt til inngöngu í framhaldsskóla. Þetta stendur í lögunum þannig að þessi ákvörðun hefur verið tekin. En því miður er það alveg rétt hjá hv. 2. þm. Norðurl. e. að undirbúningur í þessum efnum hefur ekki verið nægilega góður og hann tekur mörg ár og langan tíma.
Meiningin er sú að í stað þess að ákveða mörkin með reglustikuaðferð eins og gert hefur verið fyrir hópa nemenda, þá verði reynt að ákveða mörkin með námsráðgjöf og leiðbeina hverjum og einum nemanda inn í framhaldsskólann og á þær brautir sem best henta viðkomandi nemanda. Þess vegna hefur verið ákveðið að í vor verði í Reykjavík og víðar ráðnir námsráðgjafar til að starfa við innritunina í framhaldsskólana á Reykjavíkursvæðinu í vor.
Vegna spurningar hv. 2. þm. Norðurl. e. um Menntaskólann í Reykjavík og takmarkanir á aðgöngu í hann, þá er því til að svara að allir framhaldsskólarnir á höfuðborgarsvæðinu, Menntaskólinn í Reykjavík jafnt sem Fjölbrautaskólinn í Breiðholti, Flensborgarskólinn, Menntaskólinn í Kópavogi og aðrir slíkir framhaldsskólar hafa ákveðið að sameinast um innritun í framhaldsskólana á þessu vori. Það þýðir að það pláss sem er til í framhaldsskólum mun nýtast betur næsta vetur en verið hefur. Það hefur verið mjög góð samvinna um þetta efni hjá skólameisturum framhaldsskólanna á höfuðborgarsvæðinu og sömuleiðis hjá skólameisturum framhaldsskólanna á Norðurl. e. þar sem er um að ræða fleiri en einn framhaldsskóla.
Ég vænti þess, virðulegi forseti, að þessi svör svari spurningum hv. 2. þm. Norðurl. e.