Frsm. fjh.- og viðskn. (Guðmundur Ágústsson):
    Virðulegi forseti. Ég mæli hér fyrir nál. á þskj. 420 frá fjh.- og viðskn. Þetta er nál. vegna frv. til breytinga á lögum nr. 9/1984, um frádrátt af skattskyldum tekjum vegna fjárfestingar manna í atvinnurekstri.
    Um þetta frv. sem flutt er af fjh.- og viðskn. Nd. eru nefndarmenn allir sammála. Þetta frv. er eins og það frv. sem var mælt fyrir hér áðan, að vísu af öðrum stofni en beinist að sama markmiði, þ.e. að auka þátttöku almennings í að kaupa hlutafé í fyrirtækjum. En í greinargerð segir einmitt:
    ,,Meginmarkmið frumvarpsins er að auka eigið fé fyrirtækja og renna styrkari stoðum undir atvinnulífið.``
    Hér er mælt fyrir um breytingar á þá leið að þeir sem kaupa hlutabréf í fyrirtækjum geti dregið upphæðina frá skattskyldum tekjum.
    Þá voru allir nefndarmenn sammála um að mæla fyrir samþykki frv. og vonast ég eftir því að frv. verði þannig samþykkt.