Forseti (Guðrún Helgadóttir):
Borist hefur svohljóðandi bréf, dags. 25. jan. 1990:
,,Sighvatur Björgvinsson, 5. þm. Vestf., hefur ritað mér á þessa leið:
,,Þar sem ég er á förum utan í opinberum erindagjörðum og get ekki sótt þingfundi á næstunni leyfi ég mér með skírskotun til 130. gr. laga um kosningar til Alþingis að óska þess að 1. varamaður Alþfl. í Vestfjarðakjördæmi, Björn Gíslason, taki sæti á Alþingi í fjarveru minni.``
Þetta er yður hér með tilkynnt, hæstv. forseti.
Björn Gíslason hefur áður tekið sæti á Alþingi á þessu kjörtímabili og ég býð hann velkominn til starfa.