Forseti (Guðrún Helgadóttir):
    Fleiri hafa ekki kvatt sér hljóðs og umræðu er því lokið. Forseti mun fúslega verða við því að kanna hvort unnt sé að fara að beiðni þingflokks Borgfl., sem óneitanlega hefur ekki flutt þessa till. allur, en það skal kannað hvort flötur sé á því að verða við þessari beiðni og því verður ákvörðun um nefnd frestað. Atkvgr. verður þar af leiðandi einnig frestað.