Ferill 186. máls. Aðrar útgáfur af skjalinu: Word Perfect.


1989. – 1059 ár frá stofnun Alþingis.
112. löggjafarþing. – 186 . mál.


 Nd.

209. Frumvarp til laga



um breytingu á lögum nr. 73/1980, um tekjustofna sveitarfélaga, með síðari breytingum.

Flm.: Friðrik Sophusson, Ásgeir Hannes Eiríksson,


Ingi Björn Albertsson, Sigríður Lillý Baldursdóttir.



    

1. gr.

    2. mgr. 25. gr. laganna, sbr. 2. gr. laga nr. 38/1987, orðast svo:
    Útsvar af þeim tekjum barna, sem um ræðir í 65. gr. laga nr. 75/1981, skal eigi vera hærra en 7,5%, sbr. 1. mgr., af útsvarsstofni af tekjum umfram 250.000 kr., hækkuðum í samræmi við skattvísitölu skv. 122. gr. laga nr. 75/1981.

2. gr.

    Lög þessi öðlast þegar gildi og koma til framkvæmda við álagningu útsvars árið 1989.

Greinargerð.


    Frumvarp þetta á samleið með frumvarpi á þskj. 208 um breytingu á lögum um tekjuskatt og eignarskatt.
    Um rökstuðning vísast til greinargerðar þess frumvarps.



Fylgiskjal.

Drög að breytingum á lögum um tekjustofna sveitarfélaga.


Í fylgiskjalinu eru skáletraðar þær breytingar á lögum nr. 73/1980, um tekjustofna sveitarfélaga, sem verða ef þetta frumvarp verður að lögum.

25. gr.

    Útsvar skal vera ákveðinn hundraðshluti af tekjum hvers almanaksárs, en má þó eigi vera hærra en 7,5% af útsvarsstofni og skal sami hundraðshluti lagður á tekjur allra manna í hverju sveitarfélagi.
     Útsvar af þeim tekjum barna, sem um ræðir í 65. gr. laga nr. 75/1981, skal eigi vera hærra en 7,5%, sbr. 1. mgr., af útsvarsstofni af tekjum umfram 250.000 kr., hækkuðum í samræmi við skattvísitölu skv. 122. gr. laga nr. 75/1981.