1989. – 1059 ár frá stofnun Alþingis.
112. löggjafarþing. – 210 . mál.


Nd.

417. Breytingartillögur

við frv. til l. um breyt. á l. nr. 75/1981, um tekjuskatt og eignarskatt, með síðari breytingum.

Frá Guðrúnu Agnarsdóttur og Danfríði Skarphéðinsdóttur.

1.    Við 4. gr. Greinin falli brott.
2.    Við 5. gr. Í stað „250.200“ komi: 300.000.
3.    Við 7. gr. Í stað „25.204, 37.807 og 75.614“ komi: 30.217, 45.327 og 90.652.
4.    Við 8. gr.
    a. Í stað „59.860“ í a-lið komi: 71.764.
    b. Í stað „920.000 og 613.000“ í b-lið komi: 1.155.825 og 770.550.
    c. Í stað „3.280.000 og 4.920.000“ komi: 3.992.850 og 5.989.275.
5.    Við 12. gr. Greinin orðist svo:
         83. gr. laganna orðist svo:
         Eignarskattur manna reiknast þannig: Einhleypingur og einstætt foreldri greiða engan skatt af fyrstu 3.450.000 kr. af eignarskattsstofni. Af eignarskattstofni yfir 3.450.000 kr. greiðist 1,2%. Af eignarskattsstofni yfir 8.050.000 kr. greiðist að auki 0,75%, þó þannig að hjá þeim sem hafa tekjuskattsstofn undir 1.680.000 kr. skal lækka reiknaðan eignarskatt samkvæmt þessum málslið hlutfallslega þannig að hann falli að fullu niður ef tekjuskattsstofn er undir 840.000 kr.
         Hjón, sem skattlögð eru samkvæmt ákvæðum 63. gr., greiða engan skatt af fyrstu 2.875.000 kr. af eignarskattsstofni hvors þeirra. Af eignarskattsstofni yfir 2.875.000 kr. greiðir hvort hjóna 1,2%. Af eignarskattsstofni yfir 6.708.000 kr. greiðir hvort hjóna að auki 0,75%, þó þannig að hjá hvoru hjóna, sem hafa tekjuskattsstofn undir 1.680.000 kr., skal lækka reiknaðan eignarskatt samkvæmt þessum málslið hlutfallslega þannig að hann falli að fullu niður ef tekjuskattsstofn er undir 840.000 kr.
6.    Við 14. gr. Greinin orðist svo:
         Eftirtaldar breytingar verði á 122. gr. laganna:
    a.     Í stað orðanna „skattvísitölu sem ákveðin skal í fjárlögum ár hvert, í fyrsta sinn í fjárlögum fyrir árið 1990“ í 122. gr. laganna komi: framfærsluvísitölu.
    b.     Við greinina bætist: Þær fjárhæðir, sem tilgreindar eru í A-lið 68. gr. og A-lið 69. gr., hækki eða lækki mánaðarlega í samræmi við framfærsluvísitölu.