Fjármálaráðherra (Ólafur Ragnar Grímsson) :
Virðulegi forseti. Það er merkilegt ef hv. þm. Friðrik Sophusson hefur verið að tala prívat og persónulega í umræðum hér fyrr í dag. Þingheimur hefur sjálfsagt haldið að hann væri að tala sem leiðtogi Sjálfstfl. hér á Alþingi, varaformaður Sjálfstfl.
Ég vil hins vegar láta það koma fram að eftir fund þingflokks Alþb. í þinghléi tilkynnti ég forsrh. og forseta Sþ. að þingflokkur Alþb. væri reiðubúinn að ganga til kosninga.