Ferill 206. máls. Aðrar útgáfur af skjalinu: Word Perfect.
1990. – 1060 ár frá stofnun Alþingis.
113. löggjafarþing. – 206 . mál.
Ed.
259. Frumvarp til laga
um breyting á lögum nr. 50/1988, um virðisaukaskatt, með síðari breytingum.
Flm.: Salome Þorkelsdóttir.
1. gr.
Við 1. mgr. 12. gr. laganna bætist nýr töluliður svohljóðandi:
Sala á barnabílstólum, bílpúðum sem festir eru með bílbeltum eða öðrum viðurkenndum öryggisbúnaði fyrir börn í bifreiðum, svo og sala á öryggishjálmum fyrir reiðhjóla- eða vélhjólaakstur.
2. gr.
Lög þessi öðlast gildi 1. júlí 1991.
G r e i n a r g e r ð .
Tilgangur þessa frumvarps er að stuðla að verðlækkun á öryggisbúnaði fyrir börn í bifreiðum og fyrir þá sem aka um á reiðhjólum og vélhjólum með því að fella niður virðisaukaskatt á þessum búnaði sem nemur 24,5%. Sannað er að slíkur öryggisbúnaður getur orðið til þess að koma í veg fyrir alvarleg slys hvort sem um er að ræða börn í bifreiðum og á reiðhjólum eða í vélhjólaakstri.
Frumvarp þetta er flutt samhliða frumvarpi um breytingu á umferðarlögum og vísast að öðru leyti til greinargerðar með því frumvarpi.
