Ferill 55. máls. Aðrar útgáfur af skjalinu: Word Perfect.


1990. – 1060 ár frá stofnun Alþingis.
113. löggjafarþing. – 55 . mál.


 Ed.

311. Breytingartillögur



við frv. til l. um opinbera réttaraðstoð.

Frá allsherjarnefnd.



     Við 6. gr. Í stað orðanna „7. gr. gjaldþrotalaga, nr. 5 frá 5. maí 1978“ í niðurlagi 2. mgr. komi: 7. gr. gjaldþrotalaga, nr. 6 5. maí 1978.
     Við 7. gr. Niðurlag greinarinnar orðist svo: að aðstoðin sé bersýnilega þarflaus eða hún brjóti í bága við siðareglur lögmanna.
     Við 8. gr. Greinin orðist svo:
                   Rétt til aðstoðar í einstökum málum eiga einstaklingar með 850.000 kr. tekjuskattsstofn eða lægri samkvæmt skattframtali ársins áður en aðstoðin er veitt. Aðstoðin skal ekki vera tengd atvinnurekstri viðkomandi. Tekjuskattsstofn í lögum þessum er sá sami og skilgreindur er í lögum um tekjuskatt og eignarskatt. Mæðra- og feðralaun teljast þó ekki til tekjuskattsstofnsins.
                   Sé umsækjandi í hjúskap eða óvígðri sambúð á hann rétt á aðstoð ef samanlagður tekjuskattsstofn hjónanna eða sambúðaraðilanna er 1.275.000 kr. eða lægri.
                   Aðstoð verður ekki veitt oftar en einu sinni á hverju almanaksári. Sýslumaður getur þó heimilað undantekningu þar frá ef sérstaklega stendur á.
     Við 9. gr.
         
    
     2. málsl. fyrri málsgreinar orðist svo: Ríkissjóður greiðir þrjá fjórðu hluta þóknunar en skjólstæðingur einn fjórða hluta.
         
    
     2. málsl. seinni málsgreinar orðist svo: Greiðsla þóknunar skiptist að jöfnu milli ríkissjóðs og skjólstæðings.
     Við 15. gr. 2. mgr. orðist svo:
                   Viðmiðunarfjárhæðir vegna gjafsóknarleyfa skulu vera þær sömu og í 8. gr.
     Við 19. gr. Greinin orðist svo:
                   Ráðherra setur með reglugerð nánari ákvæði um framkvæmd laganna. Fjárhæðir þær, sem um er getið í 8. og 15. gr. og í reglugerð skv. 9. gr., eru grunnfjárhæðir sem breytast skulu 1. desember ár hvert í samræmi við breytingar á lánskjaravísitölu frá 1. október á næstliðnu ári til jafnlengdar á næsta ári, í fyrsta sinn 1. desember 1991.
                   Dómsmálaráðherra skal með hæfilegum fyrirvara fyrir 1. desember ár hvert auglýsa opinberlega þær breytingar sem verða á viðmiðunarfjárhæðum skv. 1. mgr.
     Við 20. gr. Greinin orðist svo:
                   Lög þessi taka gildi 1. apríl 1991 og fellur þá jafnframt úr gildi XI. kafli laga nr. 85 23. júní 1936, um meðferð einkamála í héraði. III. kafli tekur þó ekki gildi fyrr en 1. júlí 1992.