Ferill 249. máls. Aðrar útgáfur af skjalinu: Word Perfect.
1990. – 1060 ár frá stofnun Alþingis.
113. löggjafarþing. – 249 . mál.
Nd.
385. Frumvarp til laga
um sölu hlutabréfa í Þormóði ramma hf. í Siglufirði.
Flm.: Páll Pétursson, Pálmi Jónsson.
1. gr.
Fjármálaráðherra er óheimilt að selja hlutabréf ríkisins í Þormóði ramma hf. í Siglufirði nema að fengnu samþykki Alþingis.
2. gr.
Lög þessi öðlast þegar gildi.
Greinargerð.
Uppi hafa verið hugmyndir í fjármálaráðuneyti um að selja einkaaðilum meiri hluta hlutabréfa í Þormóði ramma hf.
Hér er um miklar eignir að ræða og fyrirtæki sem er burðarás í atvinnulífi Siglufjarðar. Því er sjálfsagt að Alþingi gefist kostur á að fjalla um málið.
