Ferill 254. máls. Aðrar útgáfur af skjalinu: Word Perfect.
1990. – 1060 ár frá stofnun Alþingis.
113. löggjafarþing. – 254 . mál.
Nd.
426. Frumvarp til laga
um breytingu á lögum um eftirlit með matvælum og öðrum neyslu- og nauðsynjavörum, nr. 24 frá 1. febrúar 1936.
Flm.: Ásgeir Hannes Eiríksson.
1. gr.
Við 2. gr. laganna bætist svohljóðandi málsgrein:
Náttúruleg vítamín og önnur fæðubótaefni, sem fyrst og fremst eru ætluð sem uppbót á daglegt fæði, teljast ekki lyf og falla undir ákvæði þessara laga.
2. gr.
Lög þessi öðlast þegar gildi.
Greinargerð.
Frumvarp þetta til laga er flutt í samfloti með lagafrumvarpi um breytingar á lyfjalögum, nr. 49/1978. Um nánari rökstuðning er vísað í greinargerð með því frumvarpi.
