Ferill 227. máls. Aðrar útgáfur af skjalinu: Word Perfect.


1990. – 1060 ár frá stofnun Alþingis.
113. löggjafarþing. – 227 . mál.


 Ed.

439. Frumvarp til laga



um breytingu á lögum um málefni aldraðra, nr. 82/1989.

(Eftir 2. umr. í Ed., 20. des.)



1. gr.


     12. gr. laganna orðast svo:
     Hlutverk Framkvæmdasjóðs aldraðra er:
     Að styrkja byggingu þjónustumiðstöðva, dagvista, þjónustuhúsnæðis aldraðra og hjúkrunarrýmis fyrir aldraða, sbr. 17. og 18. gr.
     Að veita styrki til breytinga, endurbóta og viðhalds á stofnunum aldraðra sem eru í rekstri við gildistöku þessara laga.
     Að styðja sveitarfélög, einkum dreifbýlissveitarfélög, til að koma á fót heimaþjónustu fyrir aldraða.
     Að veita tímabundið rekstrarfé til stofnana fyrir aldraða sem breyta eða hefja starfsemi eftir að fjárlagaár hefst.
     Önnur verkefni sem sjóðstjórn ákveður og heilbrigðisráðherra samþykkir.
     Heimilt er að veita allt að þriðjungi af árlegu ráðstöfunarfé Framkvæmdasjóðs aldraðra til verkefna skv. 3., 4., og 5. tölul. 1. mgr.

2. gr.


     Síðari málsliður 2. mgr. 19. gr. laganna orðast svo:
     Mat á vistunarþörf skal að jafnaði vera í höndum þjónustuhóps aldraðra.

3. gr.


     Lög þessi öðlast þegar gildi.