Ferill 139. máls. Aðrar útgáfur af skjalinu: Word Perfect.


1990–91. – 1060 ár frá stofnun Alþingis.
113. löggjafarþing. – 139 . mál.


 Nd.

683. Breytingartillögur



við frv. til l. um listamannalaun.

Frá meiri hl. menntamálanefndar (RA, SP, ÁrnG, GGÞ, ÓÞÞ, RH).



     Við 2. gr. Greinin falli brott.
     Við 3. gr. 2. mgr. orðist svo:
                   Þrír hinna fyrstnefndu sjóða eru sérgreindir sjóðir en Listasjóður er almennur sjóður í þágu allra listgreina. Allir sjóðirnir veita starfslaun, svo og náms- og ferðastyrki.
     Við 4. gr. Á eftir orðinu „menntamálaráðherra“ í 2. málsl. fyrri málsgreinar bætist: til þriggja ára í senn.
     Við 6. gr. Í stað orðanna „840 mánaðarlaun, eða 70 árslaun“ komi: 900 mánaðarlaun, eða 75 árslaun.
     Við 7. gr. Við greinina bætist ný málsgrein svohljóðandi:
                   Þriggja manna nefnd, sem menntamálaráðherra skipar árlega samkvæmt tillögum Rithöfundasambands Íslands, úthlutar fé úr Launasjóði rithöfunda. Ákvörðun úthlutunarnefndar er endanleg og verður ekki áfrýjað.
     Við 8. gr. Við greinina bætist ný málsgrein svohljóðandi:
                   Þriggja manna nefnd, sem menntamálaráðherra skipar árlega samkvæmt tillögum Sambands íslenskra myndlistarmanna, úthlutar fé úr Launasjóði myndlistarmanna. Ákvörðun úthlutunarnefndar er endanleg og verður ekki áfrýjað.
     Við 9. gr. Við greinina bætist ný málsgrein svohljóðandi:
                   Þriggja manna nefnd, sem menntamálaráðherra skipar árlega samkvæmt tillögum Tónskáldafélags Íslands, úthlutar fé úr Tónskáldasjóði. Ákvörðun úthlutunarnefndar er endanleg og verður ekki áfrýjað.
     Við 10. gr. Greinin orðist svo:
                   Listasjóður veitir starfslaun og styrki er svara til 240 mánaðarlauna og bætast við 12 mánaðarlaun á ári næstu fimm ár. Listasjóður veitir einnig sérstök framlög til listamanna, m.a. til þeirra sem notið hafa listamannalauna undanfarin ár og náð hafa 60 ára aldri. Að minnsta kosti helmingur starfslauna úr Listasjóði skal veittur leikhúslistamönnum.
     Við 13. gr. Greinin orðist svo:
                   Menntamálaráðherra setur nánari reglur um framkvæmd laga þessara að höfðu samráði við Rithöfundasamband Íslands, Samband íslenskra myndlistarmanna og Tónskáldafélag Íslands.