Forseti (Salome Þorkelsdóttir)
:
Þrír þingmenn tóku ekki þátt í þessari atkvæðagreiðslu. Nöfn þeirra eru hér á listanum. Eins og forseti hefur áður sagt er það brot á reglum þingskapa að taka ekki þátt í atkvæðagreiðslu. Þrír hv. þm. sem voru í salnum greiddu ekki atkvæði. Forseti vill ítreka að þetta má ekki gerast. Það er brot á þingskapalögum að taka ekki þátt í atkvæðagreiðslunni með því að ýta á einhvern hinna þriggja hnappa sem um ræðir.
