Jóhannes Geir Sigurgeirsson :
Virðulegi forseti. Með hliðsjón af svari hæstv. samgrh. áðan er ég eilítið ruglaður miðað við þá tillögu sem hæstv. ráðherra lagði fram í gær til breytingar á flugmálaáætlun þar sem lagt er til að verja 5 millj. kr. til framkvæmda við þá þverbraut sem hæstv. ráðherra mælti mjög ákveðið gegn í svari sínu hér. Ég vil því leyfa mér að spyrja hæstv. ráðherra: Hvaða grundvöllur er fyrir þeirri brtt. sem samgrh. lagði fram í Alþingi í gær?
