Sjávarútvegsráðherra (Þorsteinn Pálsson)
:
Herra forseti. Aðalatriðið er það að Ísland hefur leitast við að standa við allar alþjóðlegar skuldbindingar í þessu efni. Það verður ekki sagt að hingað hafi verið stríður straumur flóttamanna. En vitaskuld eru þessi mál þann veg vaxin að það þarf að meta mál í hverju falli. Þau eru í flestum tilvikum einstaklingsbundin og það er fyrst og fremst til þess mats sem ég var að vísa til í mínu svari.
