Sjávarútvegsráðherra (Þorsteinn Pálsson)
(andsvar)
:
Frú forseti. Ég vil aðeins minna á það að ekki var ágreiningur um stöðugleikastefnu í gengismálum. Hitt var óhjákvæmilegt eftir að ytri aðstæður höfðu breyst til hins verra að aðlaga gengi krónunnar. Það varð hins vegar ágreiningur á haustmánuðum 1988. Þar varð ágreiningur um tillögu af minni hálfu um hóflega breytingu á gengi krónunnar sem Framsfl. hafnaði og sem Alþb. gerði að sinni stefnu þegar það gekk inn í nýtt stjórnarsamstarf. Þá hafnaði það nauðsynlegri, hóflegri aðlögun að breytingu á gengi krónunnar. Það var Framsfl. sem byrjaði á því að hafna þessari aðlögun, hafnaði þar með tillögu af minni hendi og hálfu Sjálfstfl. sem miðaði að því að tryggja rekstrargrundvöll atvinnuveganna. Alþb. gekk inn í nýtt stjórnarsamstarf á þeirri forsendu að þessari tillögu hefði verið hafnað af Framsfl. Það er því nauðsynlegt að forustumenn Alþb. taki þennan nýja hv. þm. og kenni honum nokkuð um forsögu þessa máls.
Frú forseti. Ég vil aðeins minna á það að ekki var ágreiningur um stöðugleikastefnu í gengismálum. Hitt var óhjákvæmilegt eftir að ytri aðstæður höfðu breyst til hins verra að aðlaga gengi krónunnar. Það varð hins vegar ágreiningur á haustmánuðum 1988. Þar varð ágreiningur um tillögu af minni hálfu um hóflega breytingu á gengi krónunnar sem Framsfl. hafnaði og sem Alþb. gerði að sinni stefnu þegar það gekk inn í nýtt stjórnarsamstarf. Þá hafnaði það nauðsynlegri, hóflegri aðlögun að breytingu á gengi krónunnar. Það var Framsfl. sem byrjaði á því að hafna þessari aðlögun, hafnaði þar með tillögu af minni hendi og hálfu Sjálfstfl. sem miðaði að því að tryggja rekstrargrundvöll atvinnuveganna. Alþb. gekk inn í nýtt stjórnarsamstarf á þeirri forsendu að þessari tillögu hefði verið hafnað af Framsfl. Það er því nauðsynlegt að forustumenn Alþb. taki þennan nýja hv. þm. og kenni honum nokkuð um forsögu þessa máls.