Forseti (Gunnlaugur Stefánsson)
:
Ég þakka hv. þingmönnum ábendingar um hvernig hraða megi þingstörfum. Ég tel eðlilegt að þessar ábendingar verði teknar til umræðu á samráðsfundi forseta og formanna þingflokka, hvort þinginu verði frestað eða á því gert hlé á meðan ríkisstjórn kannar hvernig best sé að koma sínum málum fram hér í þinginu. Ég vona að hv. þm. taki undir með mér að þar sé skynsamlegur vettvangur til að ná samkomulagi um slíkt hlé ef fallist verður á það.
