Ferill 115. máls. Aðrar útgáfur af skjalinu: Word Perfect.
1991–92. – 1061 ár frá stofnun Alþingis.
115. löggjafarþing. – 115 . mál.
950. Nefndarálit
um till. til þál. um eflingu ferðaþjónustu.
Frá samgöngunefnd.
Nefndin hefur fjallað um tillöguna. Umsagnir bárust frá Ferðamálaráði, Ferðaþjónustu bænda, Náttúruverndarráði og Sambandi veitinga- og gistihúsa.
Nefndin tekur undir þau orð flutningsmanna tillögunnar að leggja beri áherslu á aukna ferðaþjónustu. Nefndin telur jafnframt að aukin ferðaþjónusta geti eflt og aukið fjölbreytni atvinnulífs víðast hvar á landinu. Lagt er til að athugun verði gerð á því á hvaða stöðum framkvæmdir í ferðaþjónustu eru brýnastar og skila mestum árangri til þess að unnt sé að taka á móti fleiri erlendum ferðamönnum. Niðurstöður þessarar athugunar verði tiltækar fyrir þá sem ráðast vilja í eða fjármagna verkefni á þessu sviði.
Nefndin leggur til að tillagan verði samþykkt með breytingu sem gerð er tillaga um á sérstöku þingskjali.
Alþingi, 11. maí 1992.
Árni M. Mathiesen,
Sigbjörn Gunnarsson.
Stefán Guðmundsson.
form., frsm.
Jóhann Ársælsson.
Jóna Valgerður Kristjánsdóttir.
Sturla Böðvarsson.
Árni Johnsen.
Guðni Ágústsson.
Sigríður A. Þórðardóttir.
