Ferill 421. máls. Aðrar útgáfur af skjalinu: Word Perfect.

---

1992. – 1062 ár frá stofnun Alþingis.
116. löggjafarþing. – 421 . mál.

1040. Breytingartillögur

við frv. til l. um almenna fullorðinsfræðslu.

Frá menntamálanefnd.

    Við 3. gr. Fyrri málsgrein orðist svo:
                  Menntamálaráðherra skipar 13 manna fullorðinsfræðsluráð til tveggja ára. Í ráðið skal skipa á eftirfarandi hátt: Einn fulltrúa menntamálaráðuneytisins, einn tilnefndan af félagsmálaráðherra, tvo tilnefnda af samtökum atvinnurekenda, þrjá tilnefnda af samtökum launafólks, þrjá fulltrúa þeirra aðila sem hafa á hendi fullorðinsfræðslu, einn tilnefndan af Samtökum sveitarfélaga, einn tilnefndan af Öryrkjabandalaginu. Menntamálaráðherra skipar formann ráðsins án tilnefningar. Kveða skal nánar á um skipan ráðsins í reglugerð.
    Við 6. gr. Í stað orðanna „sbr. 13. gr.“ í c-lið komi: sbr. 12. gr.
    Við 9. gr. 2. málsl. orðist svo: Fræðsluaðila ber að semja um slík afnot við stjórnendur skóla og þá aðila sem eru ábyrgir fyrir rekstri skólans.
    Við 14. gr. Í stað orðanna „sem boðið hefur verið upp á“ í lok fyrri málsliðar komi: sem í boði er.
    Við 16. gr. Í stað orðanna „fjórum árum“ komi: þremur árum.