Utanríkisráðherra (Jón Baldvin Hannibalsson)
:
Virðulegi forseti. Ég hef engu við hið fyrra svar mitt að bæta. Ég hef svarað því að við bíðum átekta í þessu máli og það þýðir einfaldlega að við tökum ekki ákvörðun í því fyrr en staðreyndir liggja fyrir um aðgerðir samningsaðila. Í þessu getur auðvitað falist að framkvæmd samningsins gæti frestast en ekkert er hægt að fullyrða um það á þessu stigi málsins.
