Guðrún Helgadóttir
(andsvar)
:
Hæstv. forseti. Ég ætla aðeins að spyrja einnar spurningar. Hæstv. forsrh. sagði að hér væri ekki neyðarástand. Ég vil spyrja hæstv. forsrh.: Finnst honum ekki vera neyðarástand þegar nokkrir ungir menn láta lífið hér við ströndina vegna þess að þyrla Landhelgisgæslunnar var biluð vestur á fjörðum og ekki náðist nógu fljótt í björgunarflugvél frá varnarliðinu? Hvað finnst hæstv. forsrh. vera neyðarástand?
