Forseti (Pálmi Jónsson)
:
Forseti vill fyrst geta þess að ekki er að finna ákvæði í þingsköpum sem banna andsvör í umræðum utan dagskrár. Þau munu hins vegar ekki hafa tíðkast.
Í annan stað vill forseti minna á að samkomulag er um að ljúka þessari umræðu um klukkan fjögur. Þrír hv. þm. eru enn á mælendaskrá og auk þess verður að ætla rúm fyrir málshefjanda og hæstv. fjmrh. ef þessir þingmenn óska og bið ég hv. ræðumenn að taka mið af því.
