Fyrirspyrjandi (Guðmundur Hallvarðsson)
:
Virðulegi forseti. Ég er hér með fsp. til hæstv. fjmrh. um þungaskatt á dísilbifreiðar. Um síðustu áramót voru alls 136.197 bifreiðar í landinu. Þar af eru 14.714 dísilbifreiðar. Greiðslur hafa verið með nokkuð sérstökum hætti vegna þungaskatts þessara bifreiða og hefur það verið eigendum þeirra mjög óþénugt hvernig á er haldið. Spurningin er því svo: Er von á breytingum á fyrirkomulagi greiðslu þungaskatts af dísilbifreiðum frá því sem nú er þannig að þungaskattur verði greiddur af hverjum seldum olíulítra?
