Jóna Valgerður Kristjánsdóttir
:
Virðulegi forseti. Í skýrslu sem nýlega kom fram um framkvæmd fjárlaga fyrir árið 1992 segir að því sem næst sé lokið að selja eignir Skipaútgerðar ríkisins, en jafnframt að í marsmánuði núna 1993 hafi m/s Hekla verið seld fyrir 80 millj. kr. Síðan segir: ,,Ljóst er að sala eigna Skipaútgerðarinnar muni ekki nægja til að greiða upp allar áhvílandi skuldir útgerðarinnar, er hún hættir rekstri og má ætla að þar vanti 30--50 millj. kr.``
Þegar rætt var um stofnun hlutafélags um rekstur Skipaútgerðarinnar í fyrra, þá kom fram að undirbúningshópurinn gerði m.a. tillögur um að kaupa þetta skip fyrir 120 millj. kr. Getur hæstv. samgrh. svarað því hvers vegna því tilboði sem gert var í fyrra upp á 120 millj. kr. var ekki tekið en nú er skipið selt fyrir 80 millj. kr.
Virðulegi forseti. Í skýrslu sem nýlega kom fram um framkvæmd fjárlaga fyrir árið 1992 segir að því sem næst sé lokið að selja eignir Skipaútgerðar ríkisins, en jafnframt að í marsmánuði núna 1993 hafi m/s Hekla verið seld fyrir 80 millj. kr. Síðan segir: ,,Ljóst er að sala eigna Skipaútgerðarinnar muni ekki nægja til að greiða upp allar áhvílandi skuldir útgerðarinnar, er hún hættir rekstri og má ætla að þar vanti 30--50 millj. kr.``
Þegar rætt var um stofnun hlutafélags um rekstur Skipaútgerðarinnar í fyrra, þá kom fram að undirbúningshópurinn gerði m.a. tillögur um að kaupa þetta skip fyrir 120 millj. kr. Getur hæstv. samgrh. svarað því hvers vegna því tilboði sem gert var í fyrra upp á 120 millj. kr. var ekki tekið en nú er skipið selt fyrir 80 millj. kr.