Frsm. samgn. (Pálmi Jónsson)
:
Virðulegi forseti. Samgn. hefur fjallað um till. þessa til þál. um fjármögnun á gerð vega og tengdra samgöngumannvirkja sem flutt er af hv. 3. þm. Reykn. og fleirum. Nefndin fékk umsagnir um tillöguna frá Vegagerð ríkisins, Sambandi sveitarfélaga á Suðurnesjum, Eyþingi, Samtökum sveitarfélaga á höfuðborgarsvæðinu, Samtökum sunnlenskra sveitarfélaga, Samtökum sveitarfélaga í Vesturlandskjördæmi og Sambandi sveitarfélaga í Austurlandskjördæmi.
Nefndin leggur einróma til að tillagan verði samþykkt með breytingu sem gerð er tillaga um á þingskjali 1082, að við tillgr. bætist nýr stafliður, eins og þar greinir.
