Össur Skarphéðinsson
(andsvar)
:
Frú forseti. Ég vil einungis staðfesta að það var hrósyrði af mínum vörum þegar ég ræddi um frjálslyndi þingmannsins og ég vona að hann haldi áfram á þeirri braut sem ég tel að hann sé nú loksins farinn að feta vonum síðar. Ef ég væri formaður Alþb. og stæði í þessum stól mundi ég sennilega segja að yfirlýsingin sem hann gaf hér áðan væri söguleg og sennilega mundi ég líka kalla til blaðamannafundar í tilefni hennar. Það ætla ég ekki að gera. Ég ætla einungis að óska þingmanninum til hamingju með þessa afstöðu því að í henni fólst að hann er í prinsippinu ekki andvígur því að stofnunin verði gerð að hlutafélagi og ég vona að þessi afstaða hans haldi þegar kemur til annarra stofnana ríkisins.
Frú forseti. Ég vil einungis staðfesta að það var hrósyrði af mínum vörum þegar ég ræddi um frjálslyndi þingmannsins og ég vona að hann haldi áfram á þeirri braut sem ég tel að hann sé nú loksins farinn að feta vonum síðar. Ef ég væri formaður Alþb. og stæði í þessum stól mundi ég sennilega segja að yfirlýsingin sem hann gaf hér áðan væri söguleg og sennilega mundi ég líka kalla til blaðamannafundar í tilefni hennar. Það ætla ég ekki að gera. Ég ætla einungis að óska þingmanninum til hamingju með þessa afstöðu því að í henni fólst að hann er í prinsippinu ekki andvígur því að stofnunin verði gerð að hlutafélagi og ég vona að þessi afstaða hans haldi þegar kemur til annarra stofnana ríkisins.