Forseti (Salome Þorkelsdóttir)
:
Áður en gengið verður til dagskrár er tekin fyrir utandagskrárumræða. Hún fer fram að beiðni hv. 9. þm. Reykn., Önnu Ólafsdóttur Björnsson, um efnið: Til hvaða aðgerða hyggjast stjórnvöld grípa vegna vaxandi atvinnuleysis á Suðurnesjum? Þessi umræða fer fram skv. fyrri mgr. 50. gr. þingskapa sem þýðir að málshefjandi og viðkomandi ráðherra hafa 5 mínútur í fyrri umferð og 2 mínútur hvor í þeirri síðari. Aðrir hv. þm. og ráðherrar hafa 2 mínútur hver. Hefst þá umræðan.
