Forseti (Salome Þorkelsdóttir)
:
Áður en gengið er til dagskrár vill forseti tilkynna að hér mun fara fram utandagskrárumræða að beiðni hv. 18. þm. Reykv. Hún hefst klukkan 3.30 og stendur í hálftíma og er um kjaradeilu sjúkraliða.
Þá vill forseti jafnframt láta þess getið að fyrirhugaður er kvöldfundur og mun hann hefjast klukkan 9 í kvöld. Það er ekki gert ráð fyrir fundi milli 6 og 7 eins og stundum er. Á kvöldfundinum er gert ráð fyrir að taka fyrir 9. dagskrármálið.
