Jóhannes Geir Sigurgeirsson
(um þingsköp)
:
Virðulegur forseti. Nú skal ég vera fyrstur manna til að taka undir það með virðulegum forseta að það er miður hversu mikill tími hefur farið í þingskapaumræðu í dag. Þess vegna mun ég eingöngu bera fram eina spurningu til virðulegs forseta. Hún er á þá leið hvort virðulegur forseti geti ekki deilt þeirri skoðun með mér að það kunni að vera svo að glannaleg ummæli hæstv. utanrrh. bæði á blaðamannafundum erlendis og hérlendis eigi einhvern þátt í því hversu mikill tími hefur farið í utandagskrárumræðu í dag. Ég vil biðja virðulegan forseta að svara þessari einföldu spurningu minni.
