Frsm. meiri hluta efh.- og viðskn. (Vilhjálmur Egilsson)
:
Hæstv. forseti. Ég mæli hér fyrir tveimur brtt. um frv. til laga í skattamálum. Önnur tillagan er frá efh.- og viðskn. á þskj. 552. Þær breytingar sem þar er verið að gera snerta heimildir til gjaldfærslu á keyptum framleiðslurétti í landbúnaði. Ágreiningur hefur verið um skattalega meðferð slíkra kaupa en með þessu frv. er verið að skilgreina réttarstöðu þeirra viðskipta.
Í meginatriðum snýst málið um það að sá kostnaður sem lagt er í við kaup á framleiðslurétti má niðurskrifast á fimm árum. Það hefur verið mjög bagalegt fyrir þá sem hafa staðið í þessum kaupum að vita ekki hvar þeir standa og því er tekið á þessu af hálfu nefndarinnar. Hún hefur orðið sammála um þetta mál og ég þakka meðnefndarmönnum mínum fyrir það.
Í öðru lagi mæli ég fyrir brtt. sem er á þskj. 553 frá meiri hluta efh.- og viðskn. um breytingar í skattamálum. Þar er fyrst og fremst um það að ræða að hækka fjárhæðir sem tengjast skerðingarákvæðum sem eru tengd eignarskatti. Ástæðan fyrir þessu er sú að fasteignamat hefur hækkað um 3% meðan skattvísitalan hefur hækkað um 0,38%. Ef þessar fjárhæðir væru ekki hækkaðar með þeim hætti sem hér eru mundi eignarskattsbyrði þyngjast sjálfkrafa og líka þær skerðingar sem taka mið af þessari breytingu.
Hæstv. forseti. Ég mæli hér fyrir tveimur brtt. um frv. til laga í skattamálum. Önnur tillagan er frá efh.- og viðskn. á þskj. 552. Þær breytingar sem þar er verið að gera snerta heimildir til gjaldfærslu á keyptum framleiðslurétti í landbúnaði. Ágreiningur hefur verið um skattalega meðferð slíkra kaupa en með þessu frv. er verið að skilgreina réttarstöðu þeirra viðskipta.
Í meginatriðum snýst málið um það að sá kostnaður sem lagt er í við kaup á framleiðslurétti má niðurskrifast á fimm árum. Það hefur verið mjög bagalegt fyrir þá sem hafa staðið í þessum kaupum að vita ekki hvar þeir standa og því er tekið á þessu af hálfu nefndarinnar. Hún hefur orðið sammála um þetta mál og ég þakka meðnefndarmönnum mínum fyrir það.
Í öðru lagi mæli ég fyrir brtt. sem er á þskj. 553 frá meiri hluta efh.- og viðskn. um breytingar í skattamálum. Þar er fyrst og fremst um það að ræða að hækka fjárhæðir sem tengjast skerðingarákvæðum sem eru tengd eignarskatti. Ástæðan fyrir þessu er sú að fasteignamat hefur hækkað um 3% meðan skattvísitalan hefur hækkað um 0,38%. Ef þessar fjárhæðir væru ekki hækkaðar með þeim hætti sem hér eru mundi eignarskattsbyrði þyngjast sjálfkrafa og líka þær skerðingar sem taka mið af þessari breytingu.