Ferill 245. máls. Aðrar útgáfur af skjalinu: Word Perfect.

---

1992–93. – 1062 ár frá stofnun Alþingis.
116. löggjafarþing. – 245 . mál.

373. Svar

félagsmálaráðherra við fyrirspurn Kristins H. Gunnarssonar um stjórnarnefndir vinnumiðlunar.

    Í hvaða sveitarfélögum, fjölmennari en 500 manns, hefur verið skipuð stjórnarnefnd vinnumiðlunar samkvæmt ákvæðum laga nr. 18/1985 og hvenær var það gert?
    Samkvæmt þeim upplýsingum sem fyrir hendi eru hafa 56 sveitarfélög af 73, sem mánaðarlega senda vinnumálaskrifstofu félagsmálaráðuneytisins upplýsingar um skráð atvinnuleysi, ýmist skipað sérstakar stjórnir vinnumiðlunar eða falið öðrum aðilum verkefni, þ.e. atvinnumálanefndum eða félagsmálaráði.

    Í hvaða sveitarfélögum, fjölmennari en 500 manns, hefur ekki verið skipuð stjórnarnefnd vinnumiðlunar?
    Ekki kunnugt um nein sveitarfélög í hópi framangreindra 73. sveitarfélaga, sbr. svar við 1. spurningu.

    Hvernig hefur eftirliti ráðuneytisins verið háttað með framkvæmd laganna?
    Að því er varðar stjórnir vinnumiðlunar er öllum sveitarfélögum skrifað að afstöðnum almennum sveitarstjórnarkosningum og vakin athygli þeirra á ákvæðum 9. gr. laga nr. 18/1985. Þetta var síðast gert með bréfi dags. 14. nóvember 1990. Hefur síðan verið ítrekað með auglýsingu í Sveitarstjórnarmálum.

    Eftirfarandi er yfirlit yfir þau 56 sveitarfélög sem um getur í svari við 1. spurningu:

Tilhögun á stjórn vinnumiðlunar 1992.

Höfuðborgarsvæðið:









   Á höfuðborgarsvæðinu er starfandi sameiginleg atvinnumálanefnd.

Suðurnes:






   Sameiginleg atvinnumálanefnd er fyrir svæðið.

Vestfirðir:






Norðurland vestra:






Norðurland eystra:







Austurland:











Suðurland:









Vesturland:









    Þær sveitarstjórnir, sem falið hafa félagsmálaráðum að fara með vinnumiðlun, byggja það á 2. mgr. 6. gr. laga nr. 18/1985, um vinnumiðlun, og 55. gr. laga nr. 40/1991, um félagsþjónustu sveitarfélaga.
    Ýmis sveitarfélög, sem falið hafa atvinnumálanefndum að fara með stjórn vinnumiðlunar, hafa þann hátt á að til viðbótar þeim fulltrúum sem sveitarstjórn kýs í atvinnumálanefndina er stéttarfélagi og atvinnurekendum á staðnum gefin kostur á að tilnefna fulltrúa í nefndina. Þetta er þó ekki algild regla, en þá er kosningu jafnan hagað svo að launþegar og atvinnurekendur eigi sæti í hinni kjörnu nefnd.
    Þessi framkvæmd, þ.e. að fela atvinnumálanefndum að fara með stjórn vinnumiðlunar, verður að teljast næsta eðlileg þar sem verkefni hvorrar nefndar um sig skarast verulega. Með bréfi ráðuneytisins dags. 2. apríl 1986 var mælt með umræddri tilhögun í samráði við þáverandi ráðgjafarnefnd.

Neðanmálsgrein: 1

Samkvæmt upplýsingum sveitarstjórna og Sambands íslenskra sveitarfélaga.