[13:43]
Utanríkisráðherra (Jón Baldvin Hannibalsson) :
Virðulegi forseti. Það hefur komið fram af hálfu utanrmn. ósk um það að ræða GATT-málið og þá sérstaklega það tilboð sem samkomulag hefur tekist um að senda af Íslands hálfu inn í þær viðræður. Það hefur aldrei staðið á mér sem utanrrh. að ræða það hvort heldur væri á vettvangi utanrmn. eða annars staðar þannig að það er ekki í mínum verkahring að skýra það. Ég er reiðubúinn til þess og hef verið reiðubúinn til þess hvenær sem óskað er.
