Ferill 341. máls. Aðrar útgáfur af skjalinu: Word Perfect.
1993–94. – 1063 ár frá stofnun Alþingis.
117. löggjafarþing. – 341 . mál.
672. Breytingartillögur
við frv. til l. um breyt. á l. nr. 99/1993, um framleiðslu, verðlagningu og sölu á búvörum, með síðari breytingum.
Frá Agli Jónssyni, Gísla S. Einarssyni, Árna M. Mathiesen
og Einari K. Guðfinnssyni.
52. gr. laganna orðast svo:
Vegna aðgerða við stjórn á framleiðslu og sölu landbúnaðarvara er innflutningur óheimill á þeim vörum sem tilgreindar eru í viðauka I með lögum þessum og flokkast í þar til greind tollskrárnúmer nema að fengnu leyfi landbúnaðarráðherra . Ráðherra getur í reglugerð, sem hann setur um nánari framkvæmd leyfisveitinga, ákveðið að innflutningur þessara vara skuli tímabundið vera frjáls.
Viðaukar með lögum þessum skulu hafa lagagildi. Verði gerðar breytingar á flokkun vara í tollskrárnúmerum samkvæmt þeim skulu ákvæði 1. mgr. þessarar greinar og 72. gr. laga þessara einnig taka til vara í þeim undirflokkum sem þannig verða til eftir því sem við á.
Áður en ákvarðanir eru teknar um innflutning samkvæmt þessari grein skal leita álits og tillagna Framleiðsluráðs landbúnaðarins.
a. (2. gr.)
4. mgr. 53. gr. laganna orðast svo:
Ráðherra getur þrátt fyrir ákvæði þessarar greinar heimilað innflutning á þeim vörum, sem greinin tekur til, í samræmi við ákvæði í fríverslunar- og milliríkjasamningum sem Ísland er aðili að.
b. (3. gr.)
72. gr. laganna orðast svo:
Landbúnaðarráðherra er heimilt, til þess að jafna samkeppnisstöðu innlendra og innfluttra vara, að leggja verðjöfnunargjöld á innfluttar landbúnaðarvörur sem tilgreindar eru í viðauka I og II með lögum þessum og jafnframt eru framleiddar hér á landi. Verðjöfnun á unnum og/eða samsettum vörum miðast við þátt landbúnaðarhráefna í verði þeirra.
Verðjöfnunargjöld samkvæmt þessari grein skulu innheimt við tollafgreiðslu og renna í ríkissjóð.
Fjárhæð verðjöfnunargjalds má að hámarki vera mismunur annars vegar á innlendu verði hráefnis sem ákveðið er skv. 1. tölul. og hins vegar erlendu viðmiðunarverði sem ákveðið er skv. 2. tölul.:
1. Innlent verð skal ákveðið í eftirfarandi röð:
1.1. Umsamið innlent viðmiðunarverð í fríverslunar- og milliríkjasamningum sem Ísland er aðili að og bókunum við þá og tekur til hlutaðeigandi innflutnings.
1.2. Samkvæmt IV. kafla laga þessara ef verð er ákveðið og birt í samræmi við þær reglur.
1.3. Í samræmi við reglur 6. gr. laga nr. 97/1987, um vörugjald.
2. Erlent viðmiðunarverð skal ákveðið þannig eftir því sem við á um hlutaðeigandi innflutning:
2.1. Viðmiðunarverð sem lagt er til grundvallar samkvæmt verðjöfnunarákvæðum í bókun 3 við samninginn um Evrópska efnahagssvæðið.
2.2. Viðmiðunarverð sem lagt er til grundvallar samkvæmt bókun 2 við samning milli Íslands og Efnahagsbandalags Evrópu.
2.3. Viðmiðunarverð sem lagt er til grundvallar í verðjöfnunarákvæðum í öðrum fríverslunarsamningum en skv. 2.1 og 2.2 sem Ísland er aðili að á hverjum tíma.
2.4. Viðmiðunarverð sem birt er sem heimsmarkaðsverð einstakra landbúnaðarhráefna af hálfu Evrópusambandsins eða fríverslunarsamtaka, og skal ráðherra ákveða nánar í reglugerð við hvaða verð miðað er á hverri hráefnistegund. Komi í ljós að framleiðendur vöru eigi kost á að kaupa hráefni á lægra verði en birtu viðmiðunarverði samkvæmt framangreindu í að minnsta kosti þrjá mánuði er ráðherra heimilt að ákveða tímabundið að miða við það verð sem sérstaklega ákvarðað viðmiðunarverð. Sé viðmiðunarverð ekki birt með framangreindum hætti skal viðmiðunarverð ákvarðað í samræmi við það verð sem framleiðendur eiga kost á að kaupa hráefni á.
Landbúnaðarráðherra skal jafnan við ákvörðun verðjöfnunargjalds birta í reglugerð það innlenda og erlenda viðmiðunarverð sem notað er við ákvörðun gjaldsins.
Jafnan skal miða við verð á sama sölustigi nema annað leiði af ákvæðum fríverslunar- og milliríkjasamninga. Verðjöfnunargjöld má leggja á sem krónutölu á magneiningu eða sem hlutfallslegt gjald.
Ráðherra ákveður álagningu gjalda samkvæmt þessari grein í reglugerð. Álagning verðjöfnunargjalds skal vera í samræmi við þá skilmála sem kveðið er á um í fríverslunar- og milliríkjasamningum og takmarkast hverju sinni af því að verðjöfunargjald að viðbættum innflutningsgjöldum sé innan þeirra marka sem skilgreind eru í fríverslunar- og milliríkjasamningum sem Ísland er aðili að.
Við ákvörðun verðjöfnunargjalda skal ráðherra hafa sér til ráðuneytis nefnd þriggja manna. Skal einn skipaður án tilnefningar, annar af fjármálaráðherra og hinn þriðji af viðskiptaráðherra. Nefndin skal afla upplýsinga um verð sem álagning gjaldanna miðist við en jafnframt tryggja nauðsynlegt samráð milli ráðuneyta þannig að þess sé gætt að samanlögð álagning innflutningsgjalda sé innan þeirra marka sem greinir í 6. mgr. Náist ekki samkomulag í nefndinni skal ráðherra bera málið undir ríkisstjórn áður en ákvörðun er tekin um upphæð verðjöfnunargjalda.
Að því leyti sem eigi er ákveðið í lögum þessum eða reglugerð eða öðrum fyrirmælum settum samkvæmt lögum þessum um vöruflokkun, gjalddaga, innheimtu, lögvernd verðjöfnunargjalda, refsingar og aðra framkvæmd varðandi verðjöfnunargjöld skulu gilda eftir því sem við geta átt ákvæði tollalaga, nr. 55/1987, með síðari breytingum.
Heimild landbúnaðarráðherra samkvæmt þessari grein skal koma í stað heimildar fjármálaráðherra skv. 120. gr. A í tollalögum, nr. 55/1987, með síðari breytingum, að því er varðar þær vörur sem grein þessi tekur til.
c. (4. gr.)
Í stað „3. mgr.“ í 2. mgr. 73. gr. laganna kemur: 7. mgr.
0201 Kjöt af dýrum af nautgripakyni, nýtt eða kælt:
0201.1000 – Skrokkar og hálfir skrokkar
0201.2000 – Sneitt á annan hátt, með beini
0201.3000 – Beinlaust
0202 Kjöt af dýrum af nautgripakyni, fryst:
0202.1000 – Skrokkar og hálfir skrokkar
0202.2000 – Sneitt á annan hátt, með beini
0202.3000 – Beinlaust
0203 Svínakjöt, nýtt, kælt eða fryst:
– Nýtt eða kælt:
0203.1100 – – Skrokkar og hálfir skrokkar
0203.1200 – – Læri, bógur og sneiðar af því, með beini
0203.1900 – – Annað
– Fryst:
0203.2100 – – Skrokkar og hálfir skrokkar
0203.2200 – – Læri, bógur og sneiðar af því, með beini
0203.2900 – – Annað
0204 Kinda- eða geitakjöt, nýtt, kælt eða fryst:
0204.1000 – Lambaskrokkar, heilir og hálfir, nýir eða kældir
– Annað kindakjöt, nýtt eða kælt:
0204.2100 – – Skrokkar og hálfir skrokkar
0204.2200 – – Sneitt á annan hátt, með beini
0204.2300 – – Beinlaust
0204.3000 – Lambaskrokkar, heilir og hálfir, frystir
– Annað kindakjöt, fryst:
0204.4100 – – Skrokkar og hálfir skrokkar
– – Sneitt á annan hátt, með beini:
0204.4201 – – – Svið (sviðahausar)
0204.4209 – – – Annað
0204.4300 – – Beinlaust
0204.5000 – Geitakjöt
0205 0205.0000 Kjöt af hrossum, ösnum, múlösnum eða múldýrum, nýtt, kælt eða fryst
0206 Ætir hlutar af dýrum af nautgripakyni, svínum, kindum, geitum, hestum, ösnum, múlösnum eða múldýrum, nýtt, kælt eða fryst:
0206.1000 – Af dýrum af nautgripakyni, nýtt eða kælt
– Af dýrum af nautgripakyni, fryst:
0206.2100 – – Tunga
0206.2200 – – Lifur
0206.2900 – – Annað
0206.3000 – Af svínum, nýtt eða kælt
– Af svínum, fryst:
0206.4100 – – Lifur
0206.4900 – – Annað
0206.8000 – Annað, nýtt eða kælt
0206.9000 – Annað, fryst
0207 Kjöt og ætir hlutar af alifuglum í nr. 0105, nýtt, kælt eða fryst:
0207.1000 – Alifuglar ekki skornir í hluta, nýir eða kældir
– Alifuglar ekki skornir í hluta, frystir:
0207.2100 – – Hænsni af tegundinni Gallus domesticus
0207.2200 – – Kalkúnar
0207.2300 – – Endur, gæsir og perluhænsni
– Sneiðar og hlutar af alifuglum (einnig lifur), nýtt eða kælt:
0207.3100 – – Fitulifur gæsa og anda
0207.3900 – – Annað
– Sneiðar og hlutar af alifuglum annað en lifur, fryst:
0207.4100 – – Af hænsnum af tegundinni Gallus domesticus
0207.4200 – – Af kalkúnum
0207.4300 – – Af öndum, gæsum eða perluhænsnum
0207.5000 – Alifuglalifur, fryst
0208 Annað kjöt og ætir hlutar af dýrum, nýtt, kælt eða fryst:
0208.1000 – Af kanínum eða hérum
0208.9003 – – Rjúpur, frystar
0208.9005 – – Selkjöt, fryst
0208.9006 – – Hreindýrakjöt, fryst
Úr 0208.9009 – – Annars, þó ekki hvalkjöt og hvalafurðir
0209 0209.0000 Svínafita án magurs kjöts og alifuglafita (óbrædd), ný, kæld, fryst, söltuð, í saltlegi, þurrkuð eða reykt
0210 Kjöt og ætir hlutar af dýrum, saltað, í saltlegi, þurrkað eða reykt; ætt mjöl, einnig fínmalað, úr kjöti eða hlutum af dýrum:
– Svínakjöt:
0210.1100 – – Læri, bógur og sneiðar úr því, með beini
0210.1200 – – Slög og sneiðar af þeim
0210.1900 – – Annað
0210.2000 – Kjöt af dýrum af nautgripakyni
– Annað, þar með talið ætt mjöl, einnig fínmalað, úr kjöti eða hlut um af dýrum:
0210.9001 – – Alifuglalifur, þurrkuð eða reykt
0210.9002 – – Kindakjöt, saltað
0210.9003 – – Kindakjöt, reykt (hangikjöt)
Úr 0210.9009 – – Annars, þó ekki hvalkjöt og hvalafurðir
0401 Mjólk og rjómi, þó ekki kjarnað eða með viðbættum sykri eða öðru sætiefni:
0401.1000 – Með fituinnihaldi sem er ekki meira en 1% miðað við þyngd
0401.2000 – Með fituinnihaldi sem er meira en 1% en ekki meira en 6% miðað við þyngd
0401.3000 – Með fituinnihaldi sem er meira en 6% miðað við þyngd
0402 Mjólk og rjómi, kjarnað eða með viðbættum sykri eða öðru sætiefni:
0402.1000 – Í formi dufts, korns eða í öðru föstu formi, með fituinnihaldi sem er ekki meira en 1,5% miðað við þyngd
– Í formi dufts, korns eða í öðru föstu formi, með fituinnihaldi sem er meira en 1,5% miðað við þyngd:
0402.2100 – – Án viðbætts sykurs eða annars sætiefnis
0402.2900 – – Annað
– Annað:
0402.9100 – – Án viðbætts sykurs eða annars sætiefnis
0402.9900 – – Annars
0403 Áfir, hleypt mjólk og rjómi, jógúrt, kefír og önnur gerjuð eða sýrð mjólk og rjómi, einnig kjarnað eða með viðbættum sykri eða öðru sætiefni, eða bragðbætt eða með ávöxtum, hnetum eða kakaói:
– Jógúrt:
0403.1001 – – Kakaóblandað
0403.1002 – – Blandað með ávöxtum eða hnetum
0403.1003 – – Drykkjarjógúrt
0403.1004 – – Bragðbætt, ót.a.
0403.1009 – – Annað
– Annað:
0403.9001 – – Kakaóblandað
0403.9002 – – Blandað með ávöxtum eða hnetum
0403.9003 – – Drykkjarvara
0403.9004 – – Bragðbætt, ót.a.
0403.9009 – – Annars
0404 Mysa, einnig kjörnuð eða með viðbættum sykri eða öðru sætiefni; vörur úr náttúrlegum efnisþáttum mjólkur, einnig með viðbættum sykri eða öðru sætiefni, ót.a.:
0404.1000 – Mysa og umbreytt mysa, einnig kjörnuð eða með viðbættum sykri eða öðru sætiefni
0404.9000 – Annað
0405 0405.0000 Smjör og önnur fita og olía fengið úr mjólk
0406 Ostur og ystingur:
0406.1000 – Nýr ostur (óþroskaður eða ógerjaður), einnig mysuostur og ystingur
0406.2000 – Hvers konar rifinn eða mulinn ostur
0406.3000 – Fullunninn ostur, órifinn eða ómulinn
0406.4000 – Gráðostur
0406.9000 – Annar ostur
0407 0407.0000 Fuglsegg, í skurn, ný, varin skemmdum eða soðin
0408 Fuglsegg, skurnlaus, og eggjarauða, nýtt, þurrkað, soðið í gufu eða vatni, mótað, fryst eða varið skemmdum með öðrum hætti, einnig með viðbættum sykri eða öðru sætiefni:
– Eggjarauða:
0408.1100 – – Þurrkuð
0408.1900 – – Önnur
– Annað:
0408.9100 – – Þurrkað
0408.9900 – – Annars
0410 0410.0000 Ætar vörur úr dýraríkinu, ót.a.
0602 Aðrar lifandi plöntur (þ.m.t. rætur), græðlingar og gróðurkvistir; sveppagró:
– Annað:
Úr 0602.9900 – – Tré og runnar, ót.a.
0604 Lauf, greinar og aðrir plöntuhlutar, án blóma eða blómknappa, og grös, mosi og skófir, sem notað er í vendi eða til skrauts, nýtt, þurrkað, litað, bleikt, gegndreypt eða unnið á annan hátt:
0604.9101 – – – Jólatré, án rótar; jólatrésgreinar
1601 Pylsur og þess háttar vörur úr kjöti, hlutum af dýrum eða blóði; matvæli gerð aðallega úr þessum vörum:
1601.0001 – Blóðmör og lifrarpylsa
1601.0009 – Annað
1602 Annað kjöt, hlutar af dýrum eða blóð, unnið eða varið skemmdum:
1602.1000 – Jafnblönduð matvæli
1602.2000 – Úr dýralifur
– Úr alifuglum í nr. 0105:
1602.3100 – – Úr kalkún
1602.3900 – – Annað
– Úr svínum:
1602.4100 – – Læri og lærissneiðar
1602.4200 – – Bógur og bógsneiðar
1602.4900 – – Annað, þar með taldar blöndur
1602.5000 – Úr nautgripum
1602.9000 – Annars, þar með talin framleiðsla úr hvers konar dýrablóði
1902 Pasta, einnig soðin eða fyllt (með kjöti eða öðrum efnum) eða unnin á annan hátt, svo sem spaghettí, makkarónur, núðlur, lasagne, gnocchi, ravíólí, kannellóní; couscous, einnig unnið:
– Fyllt pasta, einnig soðin eða unnin á annan hátt:
1902.2002 – – Með fyllingu sem inniheldur að magni til meira en 20% miðað við þunga af pylsum, kjöti, hlutum af dýrum eða blóði eða blöndum af því
2103 Sósur og framleiðsla í þær; blönduð bragðefni og blönduð bragðbætiefni; mustarðsmjöl, fín- eða grófmalað, og unninn mustarður:
– Annað:
Úr 2103.9009 – – Annars, sem inniheldur að magni til meira en 20% kjöt miðað við þunga
2104 Súpur og seyði og framleiðsla í það; jafnblönduð samsett matvæli:
– Súpur og seyði og framleiðsla í það:
Úr 2104.1004 – – Aðrar súpur sem innihalda að magni til meira en 20% kjöt
Úr 2104.1009 – – Annað sem inniheldur að magni til meira en 20% kjöt
– Jafnblönduð samsett matvæli:
2104.2001 – – Sem innihalda að magni til meira en 20% kjöt eða kjötúrgang miðað við þunga
2105 Rjómaís og annar ís til manneldis, einnig með kakaóinnihaldi:
Úr 2105.0001 – Sem inniheldur kakaó, úr mjólkurafurðum
Úr 2105.0009 – Annar, úr mjólkurafurðum
2106 Matvæli, ót.a.:
2106.9049 – – Framleiðsla að meginstofni úr feiti og vatni sem inniheldur meira en 15% af smjöri eða annarri mjólkurfitu miðað við þyngd
0601 Blómlaukar, rótarhnýði, jarðstönglar, krónur og forðastönglar, í dvala, vexti eða blóma; síkoríuplöntur og síkoríurætur, þó ekki síkoríurætur í nr. 1212:
– Blómlaukar, rótarhnýði, jarðstönglar, krónur og forðastönglar, í vexti eða blóma; síkoríuplöntur og síkoríurætur:
0601.2002 – – Pottaplöntur
0601.2009 – – Annað
0602 Aðrar lifandi plöntur (þ.m.t. rætur), græðlingar og gróðurkvistir; sveppagró:
0602.1000 – Græðlingar og gróðurkvistir, án róta
0602.2000 – Tré, runnar og búskar, einnig ágrætt, sem bera æta ávexti eða hnetur
0602.3000 – Alparósir og glóðarrósir, einnig ágræddar
0602.4000 – Rósir, einnig ágræddar
– Annað:
0602.9100 – – Sveppaþræðir (Mycelíum)
0602.9900 – – Annars
0603 Afskorin blóm og blómknappar sem notað er í vendi eða til skrauts, lifandi, þurrkað, litað, bleikt, gegndreypt eða unnið á annan hátt:
– Nýtt:
– – Nellikur, lokaskegg, flamingóblóm, fuglamjólk, og paradísarfuglablóm:
0603.1001 – – – Innflutt á tímabilinu 1. desember til 30. apríl
0603.1002 – – – Innflutningur á öðrum tíma
0603.1009 – – Annars
0603.9000 – Annað
0604 Lauf, greinar og aðrir plöntuhlutar, án blóma eða blómknappa, og grös, mosi og skófir, sem notað er í vendi eða til skrauts, nýtt, þurrkað, litað, bleikt, gegndreypt eða unnið á annan hátt:
– Annað:
– – Nýtt:
0604.9109 – – – Annað
0604.9900 – – Annars
0701 Kartöflur, nýjar eða kældar:
0701.1000 – Útsæði
0701.9000 – Aðrar
0702 Tómatar, nýir eða kældir:
0702.0001 – Innflutningur á tímabilinu 1. nóvember til 15. mars
0702.0002 – Innflutningur á öðrum tíma
0703 Laukur, skalottlaukur, hvítlaukur, blaðlaukur og aðrar skyldar matjurtir, nýjar eða kældar:
0703.9000 – Blaðlaukur og aðrar skyldar matjurtir
0704 Hvítkál, blómkál, hnúðkál, fóðurmergkál og áþekkt ætt kál, nýtt eða kælt:
0704.1000 – Blómkál og hnappað spergilkál
0704.2000 – Rósakál
0704.9000 – Annað
0705 Salat (Lactuca sativa) og síkoría (Cichorium spp.), nýtt eða kælt:
– Salat:
– – Salat, kálhausar (head lettuce):
0705.1101 – – – Innflutningur á tímabilinu 1. nóvember til 15. mars
0705.1102 – – – Innflutningur á öðrum tíma
0705.1900 – – Annað
0706 Gulrætur, næpur, rauðrófur, hafursrót, seljurót, radísur og áþekkar ætar rætur, nýjar eða kældar:
0706.1000 – Gulrætur og næpur
0706.9000 – Annað
0707 Gúrkur og reitagúrkur, nýjar eða kældar:
0707.0001 – Innfluttar á tímabilinu 1. nóvember til 1. mars
0707.0009 – Innfluttar á öðrum tíma
0709 Aðrar matjurtir, nýjar eða kældar:
0709.4000 – Selja, önnur en seljurót
– Sveppir og tröfflur:
0709.5100 – – Sveppir
0709.5200 – – Tröfflur
– Aldin Capsicumættarinnar eða Pimentaættarinnar:
0709.6001 – – Allrahanda (pimento)
– – Paprika:
0709.6002 – – – Innflutningur á tímabilinu 1. nóvember til 15. mars
0709.6003 – – – Innflutningur á öðrum tíma
0709.6009 – – Önnur
0709.9009 – – Annars
0710 Matjurtir (ósoðnar eða soðnar með gufu eða í vatni), frystar:
0710.1000 – Kartöflur
– Aðrar matjurtir:
– – Paprika:
0710.8001 – – – Innflutningur á tímabilinu 1. nóvember til 15. mars
0710.8002 – – – Innflutningur á öðrum tíma
0710.8009 – – Annars
0710.9000 – Matjurtablöndur
0711 Matjurtir, varðar skemmdum til bráðabirgða (t.d. með brennisteinstvíildisgasi, saltlegi, brennisteinssýrlingi eða öðrum verndandi upplausnum), en óhæfar í því ástandi til manneldis:
0711.4000 – Gúrkur og reitagúrkur
– Aðrar matjurtir; matjurtablöndur:
0711.9001 – – Kartöflur
0711.9009 – – Annað
0712 Þurrkaðar matjurtir, heilar, skornar, sneiddar, muldar eða steyttar í duft, en ekki frekar unnar:
0712.1000 – Kartöflur, einnig skornar eða sneiddar en ekki frekar unnar
0712.3000 – Sveppir og tröfflur
– Aðrar matjurtir; matjurtablöndur:
0712.9009 – – Annars
1501 Hreinsuð svínafeiti (Lard); önnur svína- og alifuglafeiti, brædd, einnig pressuð eða vökvaúrdregin:
– Beinafeiti og úrgangsefnafeiti:
1501.0011 – – Til matvælaframleiðslu
1501.0019 – – Annars
– Önnur:
1501.0021 – – Til matvælaframleiðslu
1501.0029 – – Annars
1502 Fita af dýrum af nautgripaætt, kindum eða geitum, hrá eða brædd, einnig pressuð eða vökvaúrdregin:
– Beinafeiti og úrgangsefnafeiti:
1502.0011 – – Til matvælaframleiðslu
1502.0019 – – Annars
– Annað:
1502.0021 – – Til matvælaframleiðslu
1502.0029 – – Annars
1503 Svínafeitisterín, svínaolía, tólgarsterín, oleóolía og tólgarolía, ekki gert að fleyti, eða unnið á annan hátt:
1503.0001 – Til matvælaframleiðslu
1503.0009 – Annars
1506 Önnur dýrafeiti og -olíur og þættir þeirra, einnig hreinsað en ekki efnafræðilega umbreytt:
1506.0001 – Dýraolíur og efnisþættir þeirra
1506.0009 – Annað
1517 Smjörlíki; blöndur eða framleiðsla til manneldis úr jurtafeiti eða -olíum eða þáttum úr mismunandi fitu eða olíum þessa kafla, þó ekki feiti eða olíur til manneldis eða þættir þeirra í nr. 1516:
– Smjörlíki, þó ekki fljótandi smjörlíki:
– – Sem inniheldur meira en 10% en ekki meira en 15% af mjólkurfitu miðað við þunga:
1517.1011 – – – Í smásöluumbúðum 2 kg eða minna
1517.1019 – – – Annars
– Annað:
1517.9002 – – Sem inniheldur meira en 10% en ekki meira en 15% af mjókurfitu miðað við þunga
1901 Maltkjarni; framleiðsla úr mjöli, fín- eða grófmöluðu, sterkju eða maltkjarna, sem ekki inniheldur kakaóduft eða inniheldur kakaó sem að magni til er innan við 50% miðað við þunga, ót.a.; matvæli úr vörum í nr. 0401-0404 sem ekki innihalda kakaóduft eða innihalda kakaóduft sem að magni til er innan við 10% miðað við þunga, ót.a.:
– – Sem innihalda samanlagt 3% eða meira af nýmjólkurdufti, undanrennudufti, eggjum, mjókurfitu (svo sem smjöri), osti eða kjöti:
1901.2023 – – – Blöndur og deig, með kjötinnihaldi til framleiðslu á bökum, þ.m.t. pítsur (pizza), í nr. 1905.9051
1901.2024 – – – Blöndur og deig, með öðru innihaldi en kjöti, til framleiðslu á bökum, þ.m.t. pítsur (pizza) í nr. 1905.9059
1902 Pasta, einnig soðin eða fyllt (með kjöti eða öðrum efnum) eða unnin á annan hátt, svo sem spaghettí, makkarónur, núðlur, lasagne, gnocchi, ravíólí, kannellóní; couscous, einnig unnið:
– Fyllt pasta, einnig soðin eða unnin á annan hátt:
Úr 1902.2009 – – Önnur, sem inniheldur kjöt
Úr 1902.3000 – Önnur pasta sem inniheldur kjöt
Úr 1902.4000 – Couscous sem inniheldur kjöt
1904 Matvæli úr belgdu eða steiktu korni eða kornvörum (t.d. kornflögur); korn, annað en maís, sem grjón, forsoðið eða unnið á annan hátt:
Úr 1904.9000 – Annað sem inniheldur kjöt
1905 Brauð, sætabrauð, kökur, kex og aðrar brauðvörur, einnig með kakaói; altarisbrauð, lyfjahylki, innsiglunaroblátur, rísþynnur og áþekkar vörur:
– – Bökur, þ.m.t. pítsur (pizza):
1905.9051 – – – Sem innihalda kjöt
1905.9059 – – – Aðrar
2001 Matjurtir, ávextir, hnetur og aðrir plöntuhlutar til manneldis, unnið eða varið skemmdum með ediki eða ediksýru:
2001.9003 – – Kartöflur og vörur úr þeim, ót.a.
2004 Aðrar matjurtir, unnar eða varðar skemmdum á annan hátt en með ediki eða ediksýru, frystar:
– Kartöflur:
2004.1001 – – Fín- eða grófmalaðar eða flögur
2004.1009 – – Aðrar
– Aðrar matjurtir og matjurtablöndur:
2004.9009 – – Annars
2005 Aðrar matjurtir, unnar eða varðar skemmdum á annan hátt en með ediki eða ediksýru, ófrystar:
– Kartöflur:
2005.2001 – – Fín- eða grófmalaðar eða flögur
2005.2002 – – Nasl, svo sem skífur, skrúfur, hringir, keilur, stangir o.þ.h.
2005.2009 – – Aðrar
2103 Sósur og framleiðsla í þær; blönduð bragðefni og blönduð bragðbætiefni; mustarðsmjöl, fín- eða grófmalað, og unninn mustarður:
– Annað:
2103.9009 – – Annars
2104 Súpur og seyði og framleiðsla í það; jafnblönduð samsett matvæli:
– Súpur og seyði og framleiðsla í það:
2104.1004 – – Aðrar súpur
2104.1009 – – Annað
– Jafnblönduð samsett matvæli:
2104.2001 – – Sem innihalda kjöt eða kjötúrgang
2106 Matvæli, ót.a.:
– – Efni til framleiðslu á drykkjarvörum:
Úr 2106.9029 – – – Önnur sem innihalda að einhverju leyti smjör, aðra fitu, olíu eða eggjahvítu úr mjólk
Úr 2106.9059 – – Annað sem inniheldur að einhverju leyti smjör, aðra fitu, olíu eða eggjahvítu úr mjólk
2202 Vatn, þar með talið ölkelduvatn og loftblandað vatn, með viðbættum sykri eða öðru sætiefni eða bragðbætt, og aðrar óáfengar drykkjarvörur, þó ekki ávaxtasafar eða matjurtasafar í nr. 2009:
– Annað:
2202.9001 – – Úr mjólkurafurðum og öðrum efnisþáttum, enda séu mjólkurafurðir 75% eða meira af þyngd vörunnar án umbúða
2202.9009 – – Annars