Ferill 285. máls. Aðrar útgáfur af skjalinu: Word Perfect.
1993–94. – 1063 ár frá stofnun Alþingis.
117. löggjafarþing. –
285
. mál.
1133. Breytingartillögur
við frv. til l. um breyt. á l. nr. 81 3. ágúst 1988, um hollustuhætti og heilbrigðiseftirlit, ásamt síðari breytingum, vegna samningsins um Evrópska efnahagssvæðið.
Frá umhverfisnefnd.
Við 1. gr.
Á eftir orðinu „mengunarvarnareglugerð“ í tölul. 3.2 komi: eða öðrum reglugerðum.
Tölul. 3.2.1 orðist svo: Starfsleyfi fyrir allan atvinnurekstur sem haft getur í för með sér mengun. Í reglugerð skulu m.a. vera ákvæði um staðarval, mengunarvarnir í einstökum atvinnugreinum og um rekstur og viðhald mengunarvarnaútbúnaðar.
Á eftir tölul. 3.2.4 komi þrír nýir töluliðir, svohljóðandi:
5. Umhverfisstjórn og eftirlitskerfi fyrirtækja, svo og viðurkenningar, úttektir og eftirlit með slíkum kerfum.
6. Umhverfismerki á vörur, m.a. um veitingu þeirra og gjaldtöku.
7. Eftirlit með flutningi úrgangs milli landa og tilkynningarskyldu aðila sem meðhöndla og flytja slíkan úrgang.
Í stað orðsins „iðnaði“ í tölul. 3.2.6 komi: atvinnurekstri.
Við tölul. 3.2.8 bætist: í frárennsli.
Í stað orðsins „vatn“ í tölul. 3.2.9 komi: grunnvatn og yfirborðsvatn.
Á eftir tölul. 3.2.10 komi nýr tölul., svohljóðandi: Varnir gegn jarðvegsmengun og viðmiðunarmörk fyrir jarðveg.
Í stað orðsins „viðmiðunarreglur“ í tölul. 3.2.11 komi: viðmiðunarmörk.
Orðin „jafnframt viðurlög og málsmeðferð“ í tölul. 3.2.14 falli brott.
