Ferill 238. máls. Aðrar útgáfur af skjalinu: PDF - Word Perfect.
117. löggjafarþing 1993–1994.
Nr. 26/117.
Þskj. 1253 — 238. mál.
Þingsályktun
um úrbætur í málum nýbúa og íslenskra barna sem dvalist hafa lengi erlendis.
Alþingi ályktar að beina því til menntamálaráðherra að:
1. Stuðla í auknum mæli að gerð kennsluefnis fyrir námsmenn af erlendum uppruna í sögu, landafræði, náttúrufræði og félagsfræði. Kennsluefnið verði á einföldu en góðu íslensku máli og til þess ætlað að auðvelda nemendum að tileinka sér annað kennsluefni í íslenskum skólum.
2. Beita sér fyrir eflingu sérstakrar íslenskukennslu fyrir nýbúa og íslensk börn sem hafa dvalist lengi erlendis.
Samþykkt á Alþingi 6. maí 1994.